രാജാക്കാട് : ബൈക്കിൽ കഞ്ചാവുമായി എത്തിയ യുവാവ് ബോഡിമെട്ട് എക്‌സൈസ് ചെക്ക് പോസ്റ്റിൽ പിടിയിലായി. മൂന്നാർ കെ.ഡി.എച്ച്. വില്ലേജ് സ്വദേശി കൃഷ്ണ രാജ് (22) ആണ് എക്‌സൈസ് ഇൻസ്‌പെക്ടർ പി. എം. കുഞ്ഞുമുഹമ്മദിന്റെ നേതൃത്വത്തിൽ നടത്തിയ വാഹന പരിശോധനയ്ക്കിടെ പിടിയിലായത്. പൾസർ ബൈക്കിൽ കടത്തിക്കൊണ്ടുവന്ന 25 ഗ്രാം ഉണക്ക കഞ്ചാവും പിടിച്ചെടുത്തു. സിവിൽ എക്‌സൈസ് ഓഫീസർമാരായ ബിനു ജോസഫ്, എം. എം അബിൻസ്, ബി. എൽ ലിബിൻ രാജ് എന്നിവരും പരിശോധനയിൽ പങ്കെടുത്തു.