തൊടുപുഴ: മത വിശ്വാസങ്ങളെ അംഗീകരിക്കാനും മാനിക്കാനുള്ള സി.പി.എം നയം മാറ്റം സ്വാഗതാർഹമാണെന്ന് കത്തോലിക്ക കോൺഗ്രസ് പ്രസിഡന്റ് അഡ്വ. ബിജു പറയന്നിലം പറഞ്ഞു. പൊതു നന്മ ആഗ്രഹിക്കുന്ന ഒരു പ്രസ്ഥാനത്തിനും ഈശ്വര വിശ്വാസങ്ങളെ തള്ളിപ്പറയാൻ സാധിക്കില്ല. എല്ലാ ഈശ്വരവിശ്വാസ മൂല്യങ്ങളും സമൂഹത്തെ നന്മയിലേക്കാണ് നയിക്കുന്നത്. ഈശ്വര വിശ്വാസങ്ങളോടുള്ള നയത്തിൽ സി.പി.എം വരുത്തിയ മാറ്റം യാഥാർത്ഥ്യ ബോധത്തിൽ നിന്നുള്ളതും കാലോചിതവുമാണ്. പാർട്ടിക്ക് പുതിയ മുഖവും സ്വീകാര്യതയും ലഭിക്കാൻ ഈ നയം മാറ്റം ഉപകരിക്കുമെന്ന് അദ്ദേഹം പറഞ്ഞു.