ഇടുക്കി : കേന്ദ്ര സംസ്ഥാന സർക്കാരുകളുടെ അഞ്ചു ലക്ഷം രൂപയുടെ സൗജന്യ ഇൻഷുറൻസ് പദ്ധതി ആയ ആയുഷ്മാൻ ഭാരത് /കാരുണ്യ ആരോഗ്യ സുരക്ഷാ പദ്ധതികാർഡ് പുതുക്കൽ ജില്ലയിൽ അവസാനഘട്ടത്തിലേക്ക്. ജില്ലയിൽ ഇതുവരെ 130,000 കുടുംബങ്ങൾ പദ്ധതിയിൽ അംഗങ്ങൾ ആയി കഴിഞ്ഞു. സർക്കാർ നടപ്പിലാക്കിയ സമഗ്ര ആരോഗ്യ ഇൻഷുറൻസ് പദ്ധതി ചിസ്, കേന്ദ്ര സർക്കാർ പദ്ധതിയായ ആർഎസ്ബിവൈ തുടങ്ങിയവയിൽ രജിസ്റ്റർ ചെയ്ത് 2019 മാർച്ച് 31 വരെ ആരോഗ്യ ഇൻഷുറൻസ് പരിരക്ഷ ലഭിച്ചു കൊണ്ടിരുന്ന എല്ലാ കുടുംബങ്ങളും 2011 ലെ കേന്ദ്ര സാമൂഹിക സാമ്പത്തിക ജാതി സെൻസസിന്റെ അടിസ്ഥാനത്തിൽ ആയുഷ്മാൻ ഭാരത് പദ്ധതിയുടെ പേരിൽ പ്രധാനമന്ത്രിയുടെ കത്ത് ലഭിച്ചവർക്കും പദ്ധതിയിൽ അർഹതയുണ്ട്. ആർഎസ്ബിവൈ കാർഡ് അല്ലെങ്കിൽ പ്രധാനമന്ത്രിയുടെ കത്ത്, ആധാർ കാർഡ്, റേഷൻ കാർഡ് എന്നിവയുമായി ഒരു അംഗം കാർഡ് പുതുക്കിയാൽ മതി. മറ്റ് അംഗങ്ങൾക്കു ചികിത്സ വേണമെങ്കിൽ കാർഡിൽ അവരുടെ പേര് കൂട്ടിച്ചേർക്കാം. പദ്ധതിയിൽ ഉൾപ്പെടാൻ കഴിയാത്തവർക്ക് കുമളി കുടുംബശ്രീ ഹാൾ, വണ്ടിപ്പെരിയാർ ലൈബ്രറി ഹാൾ, പീരുമേട് കുടുംബശ്രീ ഹാൾ,ഏലപ്പാറ പഞ്ചായത്ത് ഹാൾ, തൊടുപുഴ താലൂക്ക് ആശുപത്രി, അടിമാലി പഞ്ചായത്ത് ഹാൾ, നെടുങ്കണ്ടം പഞ്ചയാത്ത് ലൈബ്രറി ഹാൾ,വാത്തികുടി കുടുംബശ്രീ ഹാൾ, മൂന്നാർ പഞ്ചയാത്ത് ഹാൾ, കട്ടപ്പന മുൻസിപ്പാലിറ്റി ടൗൺ ഹാൾ കൊന്നത്തടി, കബളികണ്ടം കുടുംബശ്രീ ഹാൾ എന്നിവിടങ്ങളിൽ 31 വരെ കാർഡ് പുതുക്കാം. വിവരങ്ങൾക്ക് ഫോൺ 7306022904