കോട്ടയം: ഹിന്ദുമത വിശ്വാസത്തെയും ആചാരാനുഷ്ഠാനങ്ങളെയും സംരക്ഷിക്കാനായി രൂപീകരിച്ച ധർമ്മാചാര്യസഭ ഇന്ന് ഏറ്റുമാനൂരിൽ ചേരുമെന്ന് അദ്ധ്യക്ഷൻ സ്വാമി പ്രജ്ഞാനന്ദ തീർത്ഥപാദർ, ജനറൽ കൺവീനർ രാജേഷ് നട്ടാശേരി എന്നിവർ അറിയിച്ചു. മാരിയമ്മൻ കോവിൽ ഓഡിറ്റോറിയത്തിൽ രാവിലെ 10.30ന് മാർഗദർശക മണ്ഡൽ പ്രസിഡന്റ് സ്വാമി ചിദാനന്ദപുരി യോഗം ഉദ്ഘാനം ചെയ്യും. കേരളത്തിലെ സന്യാസിമാരുടെ നേതൃത്വത്തിൽ വൈദികർ, തന്ത്രിമാർ, മേൽശാന്തി, ജ്യോതിഷികൾ, വാസ്തു ശാസ്ത്രജ്ഞർ, ആദ്ധ്യാത്മിക പ്രഭാഷകർ, ഭാഗവത ആചാര്യന്മാർ, തെയ്യം, വെളിച്ചപ്പാട്, ഗുരുസ്വാമിമാർ, ക്ഷേത്രം ഭാരവാഹികൾ തുടങ്ങി ഹൈന്ദവ സമൂഹത്തിലെ വിവിധ മേഖലകളിലുള്ളവർ പങ്കെടുക്കും.