ചങ്ങനാശേരി: കാറ്റും മഴയും ശക്തമായ തിനെ തുടർന്ന് ചങ്ങനാശേരി പെരുന്ന പയ്യംമ്പ്ര ഇല്ലം ഭാഗത്തെ ബൈപാസിൽ മരം കടപുഴകി വൈദ്യുതി ലൈൻ തകർന്നു. ഇന്നലെ ഉച്ചയോടെ ബൈപാസിൽ പെരുന്ന മോഹനാലയത്തിലെ പുരയിടത്തിൽ നിന്ന കൂറ്റൻ പെരുമരമാണ് കടപുഴകി വൈദ്യുതി ലൈനിലും ബൈപാസ് റോഡിലേക്കും പതിച്ചത്.
അഗ്‌നിശമന സേനയും വൈദ്യതി ബോർഡ് ജീവനക്കാരും എത്തി മരം മുറിച്ചുനീക്കി ഗതാഗത തടസ്സമൊഴിവാക്കി വൈദ്യുതി ബന്ധം പുനസ്ഥാപിച്ചു. രണ്ട് മണിക്കൂറിലേറെ ബൈപാസിലെ ഈ ഭാഗത്തു കൂടിയുള്ള ഗതാഗതം ട്രാഫിക് പൊലീസ് തിരിച്ചുവിട്ടു നിയന്ത്രിച്ചു.