വൈക്കം : 37-ാമത് അഖില ഭാരത ശ്രീമദ് ഭാഗവത മഹാസത്ര നിർവ്വഹണ സമിതിയുടെ നിധി സമാഹരണത്തിന്റെ ഉദ്ഘാടനം ചെമ്മനത്ത് ശ്രീകൃഷ്ണസ്വാമി ക്ഷേത്രം ഓഡി​റ്റോറിയത്തിൽ നടന്നു. രാജേഷ് ഓംചേരിയിൽ നിന്ന് മോൻസ് ജോസഫ് എം.എൽ.എ തുക ഏറ്റുവാങ്ങി നിധി സമാഹരണം ഉദ്ഘാടനം ചെയ്തു. സത്ര നിർവഹണസമിതി വർക്കിംഗ് ചെയർമാൻ ബി.അനിൽ കുമാർ അദ്ധ്യക്ഷത വഹിച്ചു. ചീഫ് കോ-ഓർഡിനേ​റ്റർ പി.വി.ബിനേഷ്, ജനറൽ കൺവീനർ രാഗേഷ് ടി.നായർ, പോൾസൺ ജോസഫ് എന്നിവർ പങ്കെടുത്തു.

പുരാതന ക്ഷേത്രമായ ചെമ്മനത്തുകര ചെമ്മനത്ത് ശ്രീകൃഷ്ണസ്വാമി ക്ഷേത്രത്തിൽ ‌‌ഡിസംബർ 12 മുതൽ 22 വരെയാണു അഖില ഭാരത ഭാഗവത മഹാസത്രം നടക്കുന്നത്.