കോട്ടയം: പാലാ ഉപതിരഞ്ഞെടുപ്പിന് 27 ദിവസം ശേഷിക്കേ തികഞ്ഞ വിജയപ്രതീക്ഷയിലാണ് മൂന്നു മുന്നണികളും. കേരളാകോൺഗ്രസിൻ്റെ തട്ടകത്തിൽ യു.ഡി.എഫ് വിജയം ഉറപ്പിക്കുമ്പോൾ അട്ടിമറി നടക്കുമെന്ന പ്രതീക്ഷയാണ് ഇടത് മുന്നണിക്കും ബി.ജെ.പിക്കും. ഇതുവരെയുള്ള നിയമസഭാ തിരഞ്ഞെടുപ്പുകളിലേയും കഴിഞ്ഞ ലോക്സഭാ തിരഞ്ഞെടുപ്പിലെയും വിജയങ്ങളാണ് യു.ഡി.എഫിന്റെ ആത്മവിശ്വാസം.
മണ്ഡലത്തിന്റെ ചരിത്രത്തിൽ ഇതുവരെ കെ.എം.മാണിയല്ലാതെ മറ്റൊരാളും ജയിച്ചിട്ടില്ല. അതുകൊണ്ടുതന്നെ കെ.എം.മാണിയുടെ പിൻഗാമി ആരെന്നറിയാൻ എല്ലാവരും ഉറ്റുനോക്കുന്നു. കേരളാ കോൺഗ്രസിലെ ജോസ്- ജോസഫ് വിഭാഗങ്ങൾ തമ്മിലുള്ള തർക്കം പരിഹരിച്ച് സ്ഥാനാർത്ഥിയെ പ്രഖ്യാപിച്ച് പ്രചാരണത്തിന് ഇറങ്ങാനാണ് യു.ഡി.എഫ് ഒരുങ്ങുന്നത്. സി.പി.എം സീറ്റ് ഏറ്റെടുക്കില്ലെന്ന് വ്യക്തമാക്കിയതോടെ എൻ.സി.പി മത്സരിക്കാനുള്ള സാദ്ധ്യത തെളിഞ്ഞു. നാലാം തവണയാണ് മത്സരിക്കാൻ മാണി സി.കാപ്പൻ രംഗത്ത് എത്തുന്നത്. 2006ൽ കെ.എം മാണിയുടെ ഭൂരിപക്ഷം 17,000ത്തിൽ നിന്ന് 7753ലേക്കും 2011ൽ 5359ലേയ്ക്കും 2016ൽ 4703 ലേയ്ക്കും ചുരുക്കാൻ മാണി സി. കാപ്പന് കഴിഞ്ഞു. എന്നാൽ കഴിഞ്ഞ ലോക്സഭാ തിരഞ്ഞെടുപ്പിൽ മുഴുവൻ പഞ്ചായത്തിലും യു.ഡി.എഫാണ് ലീഡ് ചെയ്തത്. നിയമസഭാ തിരഞ്ഞെടുപ്പിൽ ലഭിച്ചതിനേക്കാൾ കുറവ് വോട്ടാണ് എൽ.ഡി..എഫിന് ലഭിച്ചത്.
ബി.ജെ.പി ജില്ലാ പ്രസിഡന്റ് എൻ.ഹരി ഇക്കുറിയും മത്സര സന്നദ്ധത അറിയിച്ചിട്ടുണ്ട്. കഴിഞ്ഞ തവണ ഹരിക്ക് 24,821 വോട്ടാണ് ലഭിച്ചത്. പാർലമെന്റ് തിരഞ്ഞെടുപ്പിൽ പി.സി തോമസിന് 26533 വോട്ടുകൾ നേടാനായി. രണ്ടാമതെത്തിയ എൽ.ഡി..എഫുമായി 6966 വോട്ടിന്റെ വ്യത്യാസമേയുള്ളൂ.
12 പഞ്ചായത്ത് ഒരു നഗരസഭ
പന്ത്രണ്ട് പഞ്ചായത്തുകളും പാലാ നഗരസഭയും ഉൾപ്പെട്ടതാണ് പാലാ മണ്ഡലം. എലിക്കുളം, തലപ്പലം, തലനാട്, മൂന്നിലവ്, മേലുകാവ്, കരൂർ, ഭരണങ്ങാനം, കടനാട്, മീനച്ചിൽ, കൊഴുവനാൽ, മുത്തോലി, രാമപുരം എന്നിവയാണ് പഞ്ചായത്തുകൾ.
യു.ഡി.ഫ് ഭരിക്കുന്നത്
പാലാ നഗരസഭ
യു.ഡി.എഫ് -20
എൽ.ഡി.എഫ് -മൂന്ന്
ബി.ജെ.പി -ഒന്ന്
സ്വതന്ത്രൻ - രണ്ട്
തലപ്പലം
യു.ഡി.എഫ് -എട്ട്
എൽ.ഡി.എഫ് -അഞ്ച്
മൂന്നിലവ്
യു.ഡി.എഫ് - എട്ട്
എൽ.ഡി.എഫ് - നാല്
സ്വതന്ത്രൻ - ഒന്ന്
മേലുകാവ്
യു.ഡി.എഫ് - എട്ട്
എൽ.ഡി.എഫ് - നാല്
സ്വതന്ത്രൻ - ഒന്ന്
കരൂർ
യു.ഡി.എഫ് - 10
എൽ.ഡി.എഫ് - ഒന്ന്
സ്വതന്ത്രൻ - നാല്
ഭരണങ്ങാനം
യു.ഡി.എഫ് -എട്ട്
സ്വതന്ത്രൻ - അഞ്ച്
മീനച്ചിൽ
ജോസ് വിഭാഗം വിമതർ-5
എൽ.ഡി.എഫ് - രണ്ട്
ബി.ജെ.പി -നാല്
ജോസ് വിഭാഗം-2
കൊഴുവനാൽ
യു.ഡി.എഫ് -ആറ്
എൽ.ഡി.എഫ് - മൂന്ന്
ബി.ജെ.പി - മൂന്ന്
സ്വതന്ത്രൻ-ഒന്ന്
മുത്തോലി
യു.ഡി.എഫ് - ഏഴ്
എൽ.ഡി.എഫ് - ഒന്ന്
ബി.ജെ.പി - മൂന്ന്
സ്വതന്ത്രൻ - രണ്ട്
രാമപുരം
യു.ഡി.എഫ് - ഒമ്പത്
എൽ.ഡി.എഫ് - മൂന്ന്
ബി.ജെ.പി - രണ്ട്
സ്വതന്ത്രൻ - നാല്
എൽ.ഡി.എഫ് ഭരിക്കുന്നത്
എലിക്കുളം
എൽ.ഡി.എഫ് - ഏഴ്
യു.ഡി.എഫ് - ഏഴ്
ബി.ജെ.പി - രണ്ട്
കടനാട്
എൽ.ഡി.എഫ് - ഏഴ്
യു.ഡി.എഫ് - ഏഴ്
തലനാട്
എൽ.ഡി.എഫ് - എട്ട്
യു.ഡി.എഫ് - നാല്
സ്വതന്തൻ - ഒന്ന്
കെ.എം.മാണിയുടെ തേരോട്ടം
(വർഷം, വിജയിഭൂരിപക്ഷം എന്നിവ)
1965 കെ.എം.മാണി- 9585
1967 കെ.എം.മാണി -2711
1970 കെ.എം.മാണി - 364
1977 കെ.എം.മാണി - 14857
1980 കെ.എം.മാണി - 4566
1982 കെ.എം.മാണി -12610
1987 കെ.എം.മാണി - 10545
1991കെ.എം.മാണി - 17289
1996 കെ.എം.മാണി -23790
2001കെ.എം.മാണി - 22301
2006 കെ.എം.മാണി -7759
2011 കെ.എം.മാണി - 5259
2016 കെ.എം.മാണി - 4703
പാലാ 2016
ഭൂരിപക്ഷം - 4703
1. കെ.എം. മാണി (കേരള കോൺഗ്രസ് എം) - 58,884
2. മാണി സി. കാപ്പൻ (എൻ.സി.പി.) - 54,181
3. എൻ. ഹരി (ബി.ജെ.പി.) -24,821