വൈക്കം: കേരള മുനിസിപ്പൽ ആൻഡ് കോർപ്പറേഷൻ സ്റ്റാഫ് യൂണിയന്റെ നേതൃത്വത്തിൽ വിവിധ ആവശ്യങ്ങളുന്നയിച്ച് നഗരസഭാ ഓഫീസിനു മുന്നിൽ ജീവനക്കാർ ധർണ നടത്തി. തദ്ദേശ സ്വയംഭരണ പൊതുസർവീസ് രൂപീകരണ നടപടികൾ അടിയന്തിരമായി പൂർത്തീകരിക്കണമെന്ന് ആവശ്യപ്പെട്ടു.
നഗരസഭാ ചെയർമാൻ പി. ശശിധരൻ ഉദ്ഘാടനം ചെയ്തു. യൂണി​റ്റ് പ്രസിഡന്റ് കെ.സി.ഷാജി അദ്ധ്യക്ഷത വഹിച്ചു. കെ.എം.സി.എസ്.യു. സംസ്ഥാന കമ്മി​റ്റിയംഗം ഒ.വി.മായ, എൻ.ജി.ഒ. യൂണിയൻ ജില്ലാ ജോയിന്റ് സെക്രട്ടറി എം.എൻ.അനിൽകുമാർ, പി.ശ്രീജ, കെ.കെ.ശശികുമാർ, എം.സുജിൻ എന്നിവർ പ്രസംഗിച്ചു.