ബംഗളൂരു: കോഫി രാജാവ് വി.ജി സിദ്ധാർത്ഥയുടെ അകാലവിയോത്തെത്തുടർന്ന്,​ അദ്ദേഹത്തിന്റെ ഭാര്യ മാളവിക ഹെഗ്ഡേ,​ കോഫി ഡേ എന്റർപ്രൈസസിന്റെ ചെയർപേഴ്സൺ ആൻഡ് മാനേജിംഗ് ഡയറക്ടറായി ചുമതലയേറ്റേക്കുമെന്ന് സൂചന. നിലവിൽ കമ്പനി ബോർഡ് അംഗമാണ് മാളവിക. കൂടുതൽ ഭാരിച്ച ഉത്തരവാദിത്തങ്ങൾ അവരെ ഏൽപ്പിക്കുന്നത് സംബന്ധിച്ച് ബോർഡ് പിന്നീട് ചർച്ച ചെയ്യും. എന്നാൽ,​ കൂടുതൽ നടപടികളെല്ലാം തന്നെ ഇപ്പോഴത്തെ മാനസിക വിഷമത്തിൽനിന്ന് അവർ കരകയറിയതിന് ശേഷം മാത്രമേ ഉള്ളുവെന്ന് കമ്പനിയോടടുത്ത വൃത്തങ്ങൾ അറിയിച്ചു. മുൻ വിദേശകാര്യമന്ത്രിയും കർണാടക മുൻ മുഖ്യമന്ത്രിയുമായ എസ്.എം കൃഷ്ണയുടെ മകളാണ് മാളവിക.

അതേസമയം,​ സിദ്ധാർത്ഥയുടെ നിര്യാണത്തെത്തുടർന്ന് കമ്പനിയുടെ ഇടക്കാല ചെയർമാനായി ഇൻഡിപെൻഡന്റ് ഡയറക്ടറായിരുന്ന എസ്.വി രംഗനാഥിനെ കഴിഞ്ഞദിവസം നിയമിച്ചിരുന്നു.