ട്രെയിലർ റിലീസിൽ റെക്കോ‌ഡിടാൻ ജോഷി ചിത്രം പൊറിഞ്ചു മറിയം ജോസ് ഒരുങ്ങുന്നു. ആഗസ്റ്റ് രണ്ടിന് വൈകിട്ട് ഏഴുമണിക്ക് സൂപ്പർതാരം മോഹൻലാലാണ് കൊച്ചി ലുലു മാളിൽ വെച്ച് ട്രെയിലർ റിലീസ് ചെയ്യുന്നത്. മമ്മൂട്ടി, ഫഹദ്, ജയറാം, ദിലീഷ് പോത്തൻ, വിനായകൻ, മുരളി ഗോപി, സുരാജ് വെഞ്ഞാറമ്മൂട്, വിനീത് ശ്രീനിവാസൻ, ഇന്ദ്രജിത്ത്, ദിലീപ്, ബിജു മേനോൻ, ജയസൂര്യ, ഷെയ്ൻ നിഗം, ആസിഫ് അലി, കാളിദാസ് ജയറാം, ദുൽഖർ സൽമാൻ, നിവിൻ പോളി, ഐശ്വര്യ ലക്ഷ്മി, മിയ, നിമിഷ സജയൻ, അജു വർഗീസ്, അനു സിത്താര, കുഞ്ചാക്കോ ബോബൻ, ടൊവീനോ തോമസ്, ആന്റണി വർഗീസ്, ഹണി റോസ്, അനൂപ് മേനോൻ, പൃഥ്വിരാജ്, അപർണ ബാലമുരളി, ആത്മീയ, ഉണ്ണി മുകുന്ദൻ, സൗബിന്‍ ഷാഹിർ, വിനയ് ഫോർട്ട്, വിജയ് സേതുപതി എന്നിവരുടെ ഫേസ്ബുക്ക് പേജുകളിലും ട്രെയിലർ ഒരേസമയം എത്തും.
നാലുവർഷത്തിന് ശേഷം ജോഷി സംവിധാനം ചെയ്യുന്ന ചിത്രമാണ് പൊറിഞ്ചു മറിയം ജോസ്. ജോജു ജോർജ്, ചെമ്പൻ വിനോദ്, നൈല ഉഷ എന്നിവരാണ് പൊറിഞ്ചു മറിയം ജോസിൽ കേന്ദ്ര കഥാപാത്രങ്ങളെ അവതരിപ്പിക്കുന്നത്. ചിത്രത്തിൽ കാട്ടാളന്‍ പൊറിഞ്ചു എന്ന കഥാപാത്രത്തെയാണ് ജോജു അവതരിപ്പിക്കുന്നത്. ആലപ്പാട്ട് മറിയം എന്ന കഥാപാത്രമായി നൈലയും പുത്തൻപള്ളി ജോസായി ചെമ്പൻ വിനോദും വേഷമിടുന്നു.
ഡേവിഡ് കാച്ചപ്പിള്ളി പ്രൊഡക്ഷൻസ് അവതരിപ്പിച്ച് കീർത്തന മൂവീസിന്റെ ബാനറിൽ റെജി മോൻ നിർമ്മിക്കുന്ന ഈ ചിത്രത്തിന്റെ കഥയും തിരക്കഥയും എഴുതിയിരിക്കുന്നത് അഭിലാഷ് എൻ. ചന്ദ്രനാണ്. അജയ് ഡേവിഡ് കാച്ചപ്പിള്യാണ് കാമറ. സംഗീതം ജേക്സ് ബിജോയ്. എഡിറ്റിംഗ് ശ്യാം ശശിധരൻ.