സ്‌പോട്ട് അഡ്മിഷൻ
യൂണിവേഴ്സിറ്റി കോളേജ് ഓഫ് എഞ്ചിനീയറിംഗിൽ ഒന്നാം വർഷ ബി.ടെക് കോഴ്സുകളിലെ ഒഴിവുളള സീറ്റുകളിലേക്കുളള (ഇ.സി, സി.എസ്, ഐ.ടി ബ്രാഞ്ചുകൾ) സ്‌പോട്ട് അഡ്മിഷൻഅഞ്ച്, ആറ്, ഏഴ്, തീയതികളിൽ രാവിലെ 10 കോളേജിൽ നടത്തും. വിശദവിവരങ്ങൾക്ക്: 9037119776
ഒന്നാം വർഷ ബിരുദാനന്തര ബിരുദ പ്രവേശനം 2019
പുതിയ കോഴ്സുകൾക്ക് അഡ്മിഷൻ കേരള സർവകലാശാല സെനറ്റ് ഹാളിൽ
സർവകലാശാലയോട് അഫിലിയേറ്റ് ചെയ്തിട്ടുള്ള സ്വാശ്രയ കോളേജായ മാർ ഗ്രിഗോറിയസ് കോളേജ് ഓഫ് ആർട്സ് ആൻഡ് സയൻസിൽ, (പുന്നപ്ര, ആലപ്പുഴ) - എം.കോമിന് 20 സീറ്റും എയ്ഡഡ് കോളേജായ എം.എസ്.എം കോളേജിൽ, (കായംകുളം )- എം.എ. മലയാളത്തിന് 20 സീറ്റും അനുവദിച്ചു. മേൽ പറഞ്ഞ കോഴ്സുകളുടെ മെരിറ്റ് സീറ്റുകളിലേയ്ക്ക് സർവകലാശാല സെനറ്റ് ഹാളിൽ നാളെ അഡ്മിഷൻ നടത്തും. രാവിലെ 11 വരെ ഹാജരാകുന്നവരിൽ നിന്നും റാങ്ക് ലിസ്റ്റ് തയ്യാറാക്കി പ്രവേശനം നടത്തും. വിദ്യാർത്ഥികൾ അസൽ സർട്ടിഫിക്കറ്റ്, ഫീസ്, നിലവിൽ ഓൺലൈൻ രജിസ്‌ട്രേഷൻ ഉള്ളവർ അതിന്റെ ഏറ്റവും പുതിയ പ്രിന്റൗട്ട് എന്നിവ കൊണ്ടുവരണം. എസ്.സി/എസ്.ടി, മറ്റു സംവരണ സീറ്റുകളിൽ പരിഗണിക്കപ്പെടുവാൻ ആഗ്രഹിക്കുന്നവർ ജാതി തെളിയിക്കുന്ന അസ്സൽ സർട്ടിഫിക്കറ്റുകൾ ഹാജരാക്കണം. സർട്ടിഫിക്കറ്റുകൾ ഹാജരാക്കാൻ സമയം അനുവദിക്കുന്നതല്ല.
എം.എസ്.എം കോളേജിൽ, (കായംകുളം) - എം.എ. മലയാളം കമ്മ്യൂണിറ്റി ക്വാട്ട സീറ്റുകളിലേക്കും അന്നേ ദിവസം പ്രവേശനം നടത്തും. നിലവിൽ രജിസ്‌ട്രേഷൻ ഇല്ലാത്തവർ അഡ്മിഷന് വരുമ്പോൾ https://admissions.keralauniversity.ac.in/pg2019/ലെ ക്വോട്ട രജിസ്‌ട്രേഷൻ പൂർത്തിയാക്കി ഓൺലൈൻ പ്രിന്റൗട്ട് കൊണ്ടുവരണം.
അലോട്ട്‌മെന്റ് ലഭിച്ചാൽ ഒടുക്കേണ്ട പ്രവേശന ഫീസ് (ജനറൽ/ എസ്.ഇ.ബി.സി. വിഭാഗങ്ങൾക്ക് 1040/- രൂപയും എസ്.സി./ എസ്.ടി. വിഭാഗങ്ങൾക്ക് 310/- രൂപയും) കൈയിൽ കരുതണം. ഇതിനായി കൂടുതൽ സമയം അനുവദിക്കുന്നതല്ല. പ്രവേശന ഫീസ് മുൻപ് ഒടുക്കിയിട്ടുള്ള വിദ്യാർത്ഥികൾ ഈ തുക വീണ്ടും ഒടുക്കേണ്ടതില്ല. അവർ ഈ തുക ഒടുക്കിയ രസീതിന്റെ പകർപ്പ് നിശ്ചയമായും കൈവശം സൂക്ഷിക്കണം.
എസ്.സി./എസ്.ടി. സീറ്റുകളിൽ സ്‌പോട്ട് അലോട്ട്‌മെന്റ്
ഒന്നാം വർഷ ബിരുദ പ്രവേശനവുമായി ബന്ധപ്പെട്ട് ഒഴിവുള്ള എസ്.സി./എസ്.ടി. സീറ്റുകളിലേയ്ക്ക് മേഖലാതലത്തിൽ സ്‌പോട്ട് അലോട്ട്‌മെന്റ് നടത്തുന്നു. തിരുവനന്തപുരം മേഖലയിലുള്ള കോളേജുകളിൽ ഓപ്ഷൻ നൽകിയിട്ടുള്ള വിദ്യാർത്ഥികൾ സർവകലാശാല സെനറ്റ് ഹാളിൽ ഏഴിനും കൊല്ലം മേഖലയിലുള്ള കോളേജുകളിൽ ഓപ്ഷൻ നൽകിയിട്ടുള്ള വിദ്യാർത്ഥികൾ കൊല്ലം എസ്.എൻ കോളേജിൽ എട്ടിനും ഹാജരാകണം. അടൂർ മേഖലയിലുള്ള കോളേജുകളിൽ ഓപ്ഷൻ നൽകിയിട്ടുള്ള വിദ്യാർത്ഥികൾ അടൂർ സെന്റ് സിറിൾസ് കോളേജിൽ എട്ടിനും ആലപ്പുഴ മേഖലയിലുള്ള കോളേജുകളിൽ ഓപ്ഷൻ നൽകിയിട്ടുള്ള വിദ്യാർത്ഥികൾ ആലപ്പുഴ എസ്.ഡി.കോളേജിൽ ഒമ്പതിനും ഹാജരാകണം. രാവിലെ ഒമ്പത് മുതൽ 11 മണി വരെ എസ്.സി./എസ്.ടി. വിദ്യാർത്ഥികൾ ഓൺലൈൻ അപേക്ഷയുടെ പ്രിന്റ് ഔട്ട് സഹിതം ഹാജരായി റിപ്പോർട്ട് ചെയ്യണം. നിലവിൽ കോളേജുകളിൽ പഠിച്ചുകൊണ്ടിരിക്കുന്നവർ സ്‌പോട്ട് അലോട്ട്‌മെന്റിൽ പ്രവേശനം ഉറപ്പായാൽ മാത്രമേ ടി.സി.വാങ്ങുവാൻ പാടുള്ളൂ. ഇതുവരെ പ്രവേശനം ലഭിക്കാതെ സ്‌പോട്ട് അലോട്ട്‌മെന്റിൽ പങ്കെടുക്കാൻ വരുന്ന വിദ്യാർത്ഥികളുടെ കൈവശം യോഗ്യതയും ജാതിയും തെളിയിക്കുന്ന അസ്സൽ സർട്ടിഫിക്കറ്റുകൾ ഉണ്ടായിരിക്കണം. കോളേജും കോഴ്സും അലോട്ട് ചെയ്തു കഴിഞ്ഞാൽ യാതൊരു കാരണവശാലും മാറ്റം അനുവദിക്കുകയില്ല. രജിസ്‌ട്രേഷൻ സമയം (രാവിലെ 9 മുതൽ 11 വരെ) കഴിഞ്ഞു വരുന്നവരെ ഒരു കാരണവശാലും പരിഗണിക്കുന്നതല്ല. ഓരോ മേഖലയിലും ഉൾപ്പെടുത്തിയിരിക്കുന്ന കോളേജുകളുടെ വിവരം http://admissions.keralauniversity.ac.inൽ പ്രസിദ്ധീകരിക്കും.
രജിസ്‌ട്രേഷൻ സമയത്ത് റിപ്പോർട്ട് ചെയ്യുന്ന വിദ്യാർത്ഥികളിൽ നിന്നും സർവകലാശാല തയ്യാറാക്കുന്ന റാങ്ക് പട്ടികയുടെ അടിസ്ഥാനത്തിലാണ് പ്രവേശനം നടക്കുന്നത്. ഓൺലൈൻ രജിസ്‌ട്രേഷൻ ഇല്ലാത്തവരെ ഓൺലൈൻ അപേക്ഷ സമർപ്പിച്ചിട്ടുള്ളവരെ പരിഗണിച്ചതിന് ശേഷം മാത്രമേ അലോട്ട്‌മെന്റിൽ പരിഗണിക്കുകയുള്ളൂ.
അലോട്ട്‌മെന്റ് ലഭിച്ചാൽ ഉടൻ തന്നെ ഒടുക്കേണ്ട പ്രവേശന ഫീസ് (940/- രൂപ) കൈയിൽ കരുതണം. ഓൺലൈൻ രജിസ്‌ട്രേഷൻ ഇല്ലാത്ത വിദ്യാർത്ഥികൾക്ക് അഡ്മിഷൻ ലഭിക്കുകയാണെങ്കിൽ രജിസ്‌ട്രേഷൻ ഫീസായ 220/- രൂപയും ഒടുക്കണം. ഇതിനായി കൂടുതൽ സമയം അനുവദിക്കുന്നതല്ല. നിലവിൽ കോളേജുകളിൽ പഠിച്ചുകൊണ്ടിരിക്കുന്നവർ കോളേജിൽ നിന്നും ലഭിച്ച തിരിച്ചറിയൽ കാർഡ്, ഓൺലൈൻ അപേക്ഷയുടെ പ്രിന്റൗട്ട് എന്നിവ നിർബന്ധമായും ഹാജരാക്കണം. പ്രവേശന ഫീസായ 940/- രൂപ മുൻപ് ഒടുക്കിയിട്ടുള്ള വിദ്യാർത്ഥികൾ വീണ്ടും ഒടുക്കേണ്ട. അവർ തുക ഒടുക്കിയ രസീതിന്റെ പകർപ്പ് നിശ്ചയമായും കൈവശം സൂക്ഷിക്കണം. സ്‌പോട്ട് അലോട്ട്‌മെന്റിനായി സർവകലാശാലയിലേയ്ക്ക് അപേക്ഷകൾ അയക്കേണ്ട.
പരീക്ഷാ ഫലം
എം.കോം, എം.എസ്.സി ഫിസിക്സ് 2017 - 2019 ബാച്ച് (സി.എസ്.എസ്) പരീക്ഷാഫലം പ്രസിദ്ധീകരിച്ചു.
എം.പി.ഇ പ്രീവിയസ്, ഫൈനൽ ഡിഗ്രി പരീക്ഷാഫലം വെബ്‌സൈറ്റിൽ.
ഒന്നും രണ്ടും സെമസ്റ്റർ ബി.എസ്.സി മാത്തമാറ്റിക്സ് (വിദൂര വിദ്യാഭ്യാസം) പരീക്ഷാഫലം വെബ്‌സൈറ്റിൽ. പുനർമൂല്യനിർണ്ണയത്തിനും സൂക്ഷ്മപരിശോധനയ്ക്കും 14 വരെ അപേക്ഷിക്കാം.
നാലാം സെമസ്റ്റർ ബി.എ ഓണേഴ്സ് ഡിഗ്രി പ്രോഗ്രാം ഇൻ ഇംഗ്ലീഷ് ലാംഗ്വേജ് ആൻഡ് ലിറ്ററേച്ചർ പരീക്ഷാഫലം വെബ്‌സൈറ്റിൽ. പുനർമൂല്യനിർണ്ണയത്തിനും സൂക്ഷ്മപരിശോധനയ്ക്കും 13 വരെ അപേക്ഷിക്കാം.
ഒന്ന്, മൂന്ന് സെമസ്റ്റർ (പഞ്ചവത്സരം) (2011 - 12 അഡ്മിഷന് മുൻപുളളത്) എൽ.എൽ.ബി പരീക്ഷാഫലം വെബ്‌സൈറ്റിൽ. പുനർമൂല്യനിർണ്ണയത്തിനും സൂക്ഷ്മപരിശോധനയ്ക്കും ആഗസ്റ്റ് 16 വരെ അപേക്ഷിക്കാം.
അസൈൻമെന്റ്/കേസ് അനാലിസിസ്
വിദൂര വിദ്യാഭ്യാസ വിഭാഗം മൂന്നും നാലും സെമസ്റ്റർ ബി.എ/ബി.എസ്.സി/ബി.സി.എ അസൈൻമെന്റ്/കേസ് അനാലിസിസ് അഞ്ച്, ആറ് തീയതികളിലും ബി.കോം ഏഴ്,എട്ട് തീയതികളിലും എം.എ/എം.എസ്.സി/എം.കോം 12, 13 തീയതികളിലും ഒന്നും രണ്ടും സെമസ്റ്റർ ബി.എ/ബി.എസ്.സി/ബി.സി.എ/ബി.എൽ.ഐ.സി അസൈൻമെന്റ്/കേസ് അനാലിസിസ് 19, 20 തീയതികളിലും ബി.കോം/ബി.ബി.എ 21, 22 തീയതികളിലും എം.എ/എം.എസ്.സി/എം.എൽ.ഐ.എസ്.സി 26, 27 തീയതികളിലും എം.കോം 29, 30 തീയതികളിലും എം.ബി.എ ഒന്നാം സെമസ്റ്റർ 30 നും അതാത് കോഴ്സ് കോർഡിനേറ്റർക്ക് സമർപ്പിക്കണം.വിശദവിവരങ്ങൾക്ക്: www.ideku.net
അഞ്ചാം സെമസ്റ്റർ ബി.ടെക് (2008 & 2013 സ്‌കീം) ഏപ്രിൽ 2019 (സപ്ലിമെന്ററി) മെക്കാനിക്കൽ എഞ്ചിനീയറിംഗ് ബ്രാഞ്ചിന്റെ ഇലക്ട്രിക്കൽ ആൻഡ് ഇലക്ട്രോണിക്സ് ലാബ് പരീക്ഷകൾ ആറ്, ഒമ്പത് തീയതികളിൽ നടക്കും.
ഓൺലൈൻ രജിസ്‌ട്രേഷൻ
സെപ്റ്റംബറിൽ ആരംഭിക്കുന്ന മൂന്നും നാലും സെമസ്റ്റർ ബി.കോം എസ്.ഡി.ഇ (2017 അഡ്മിഷൻ) പരീക്ഷയ്ക്ക് ഓൺലൈൻ രജിസ്‌ട്രേഷൻ ചെയ്യാനുളള പുതുക്കിയ തീയതികളുടേയും ബി.കോം ആന്വൽ സ്‌കീം (പ്രൈവറ്റ്) സപ്ലിമെന്ററി (സെപ്റ്റംബർ 2019) പരീക്ഷയ്ക്ക് 125 രൂപ പിഴയോടെ ആറ്, ഏഴ് തീയതികളിൽ ഓൺലൈൻ രജിസ്‌ട്രേഷൻ ചെയ്യാനുളള പുതുക്കിയ തീയതികളുടേയും വിജ്ഞാപനം പ്രസിദ്ധീകരിച്ചു.
പുതുക്കിയ തീയതി
വിദൂര വിദ്യാഭ്യാസ വിഭാഗം 19ന് നടത്താൻ നിശ്ചയിച്ചിരുന്ന മൂന്നും നാലും സെമസ്റ്റർ ബി.എസ്.സി കമ്പ്യൂട്ടർ സയൻസ്/ബി.സി.എ (എസ്.ഡി.ഇ, 2017 അഡ്മിഷൻ) പരീക്ഷകൾക്ക് പിഴ കൂടാതെ ഫീസടയ്ക്കുന്നതിന് ഒന്നിൽ നിന്നും ആറിലേയ്ക്കും 150 രൂപ പിഴയോടെ ഫീസടയ്ക്കുന്നതിന് അഞ്ചിൽ നിന്നും ഒമ്പതിലേയ്ക്കും 400 രൂപ പിഴയോടെ ഫീസടയ്ക്കുന്നതിന് ഏഴിൽ 13 ലേയ്ക്കും തീയതികൾ പുതുക്കി നിശ്ചയിച്ചു.