ബം​ഗ​ളൂ​രു: ക​ർ​ണാ​ട​ക മു​ൻ മു​ഖ്യ​മ​ന്ത്രി എ​ച്ച്.​ഡി.​കു​മാ​ര​സ്വാ​മി രാ​ഷ്ട്രീ​യ പ്ര​വ​ർ​ത്ത​നം അ​വ​സാ​നിപ്പിക്കാൻ ഒരുങ്ങുന്നതായി സൂചന. താ​ൻ രാ​ഷ്ട്രീ​യ​ത്തി​ലേ​ക്ക് ക​ട​ന്നു​വ​ന്ന​തും രണ്ട് തവണ കർണാടക മുഖ്യമന്ത്രിയായതും ആകസ്മികമായാണെന്ന് കുമാരസ്വാമി മാദ്ധ്യമങ്ങളോട് വ്യക്തമാക്കി.

ര​ണ്ടു​വ​ട്ടം മു​ഖ്യ​മ​ന്ത്രി ക​സേ​ര​യി​ലെ​ത്തി​ച്ച​തി​ന് ദൈ​വ​ത്തി​നു ന​ന്ദി. മുഖ്യമന്ത്രി പദത്തിലിരുന്ന് പലകാര്യങ്ങളും ചെയ്തു അതിൽ തൃപ്തിയുണ്ട്. മു​ഖ്യ​മ​ന്ത്രി സ്ഥാ​ന​ത്തി​രു​ന്ന് ജ​ന​ങ്ങ​ളെ​യ​ല്ലാ​തെ ആ​രെ​യും തൃ​പ്തി​പ്പെ​ടു​ത്താ​ൻ താ​ൻ ശ്ര​മി​ച്ചി​ട്ടി​ല്ലെന്നും രണ്ട് തവണയും നന്നായി പ്രവർത്തിക്കാൻ സാധിച്ചെന്നും കുമാരസ്വാമി പറഞ്ഞു.

ഇന്നത്തെ രാഷ്ട്രീയം നല്ല ആളുകൾക്ക് പറ്റിയതല്ല. ഞാൻ എല്ലാം നന്നായാണ് ചെയ്തത്. ദൈവം അത് കാണുന്നുണ്ട്. എന്റെ കുടുംബത്തെയൊന്നും ഇതിലേക്ക് വലിച്ചിഴയ്ക്കരുത്. ഞാൻ തളർന്നിരിക്കുകയാണ്. എന്നെ സമാധാനത്തിൽ ജീവിക്കാൻ അനുവദിക്കൂവെന്ന് കുമാരസ്വാമി മാദ്ധ്യമങ്ങളോട് പറഞ്ഞു. 14മാ​സം മു​ഖ്യ​മ​ന്ത്രി​യാ​യി​രു​ന്ന സ​മ​യ​ത്ത് സം​സ്ഥാ​ന​ത്തി​ന്റെ വി​ക​സ​ത്തി​നാ​ണ് താ​ൻ പ്ര​ധാ​ന്യം ന​ൽ​കി​യ​തെന്ന് അ​ദ്ദേ​ഹം കൂ​ട്ടി​ച്ചേ​ർ​ത്തു.

17 എം.എൽ.എമാർ പിന്തുണ പിൻവലിച്ച് രാജിവച്ചതിനെത്തുടർന്ന് ബി​.ജെ​പി കൊ​ണ്ടു​വ​ന്ന അ​വി​ശ്വാ​സ പ്ര​മേ​യ​ത്തി​ൽ പ​രാ​ജ​യ​പ്പെ​ട്ടാ​ണ് ഇ​ത്ത​വ​ണ കു​മാ​ര​സ്വാ​മി​ക്ക് മു​ഖ്യ​മ​ന്ത്രി​പ​ദം രാ​ജി​വെ​ച്ചൊ​ഴി​യേ​ണ്ടി വ​ന്ന​ത്.