കഴിഞ്ഞ കുറച്ച് ദിവസങ്ങളായി ഫേസ്ബുക്കിൽ പ്രചരിക്കുന്ന പോസ്റ്റിന് മറുപടിയുമായി എത്തിയിരിക്കുകയാണ് മിഖ്ദാദ്. ‘ദയവായി അറിയുന്നവർ…ഈ പെൺകുട്ടിയുടെ വീട്ടിൽ അറിയിക്കുക’ എന്ന തലക്കെട്ടോട് കൂടിയാണ് ഫേസ്ബുക്കിൽ കുറിപ്പ് പങ്കുവച്ചത്. ബൈജു പുതുവായ് എന്ന വ്യക്തിയാണ് സോഷ്യൽ മീഡിയയിൽ ആദ്യം ഈ ചിത്രം ഷെയർ ചെയ്തത്. പിന്നീട് സോഷ്യൽ മീഡിയയിൽ ഒന്നടങ്കം പ്രചരിക്കുകയായിരുന്നു.

മിഖ്ദാദ് എന്ന യുവാവിന്റെയും കസ്തൂരിയെന്ന യുവതിയുടെയും രജിസ്റ്റർ ഓഫീസിലെ നോട്ടീസ് ബോർഡിൽ പതിപ്പിച്ച ചിത്രമാണ് സോഷ്യൽമീഡിയയിൽ പ്രചരിക്കുന്നത്. എന്നാൽ, ഇപ്പോൾ വരനായ മിഖ്ദാദ് തന്നെയാണ് ഇതിനെതിരെ രംഗത്തെത്തിയത്.

"ഞാനും കസ്തൂരിയും വിവാഹിതരാവാൻ തീരുമാനിച്ചതിന്റെ ആദ്യ ഘട്ടമായാണ് സ്പെഷ്യൽ മാര്യേജ് ആക്ട് വഴി അപ്ലിക്കേഷൻ സബ്‌മിറ്റ് ചെയ്തത്. രണ്ടു പേരുടെയും പാരന്റ്സിന്റെ സമ്മതത്തോടു കൂടിയാണ്.
കല്യാണം കഴിഞ്ഞിട്ടില്ല. എല്ലാവരെയും വിളിച്ചു നല്ല രീതിയിൽ തന്നെ കല്യാണം നടക്കുന്നതാണ്. ആരും വിഷമിക്കേണ്ട എല്ലാവരെയും വിളിക്കും. ഇങ്ങനെ ഉള്ള പോസ്റ്റുകൾ കുറെ കണ്ടത് കൊണ്ടാണ് ഇപ്പൊ ഇങ്ങനെ ഇടേണ്ടി വന്നത്."-മിഖ്ദാദ് ഫേസ്ബുക്കിൽ കുറിച്ചു.

ഫേസ്ബുക്ക് പോസ്റ്റിന്റെ പൂർണ രൂപം

ഞാൻ അറിയിച്ചാൽ മതിയ ആവൊ?

Edit 2: ഞാനും കസ്തൂരിയും വിവാഹിതരാവാൻ തീരുമാനിച്ചതിന്റെ ആദ്യ ഘട്ടമായാണ് സ്പെഷ്യൽ മാര്യേജ് ആക്ട് വഴി അപ്ലിക്കേഷൻ സബ്‌മിറ്റ് ചെയ്തത്. രണ്ടു പേരുടെയും പാരന്റ്സിന്റെ സമ്മതത്തോടു കൂടിയാണ്.
കല്യാണം കഴിഞ്ഞിട്ടില്ല. എല്ലാവരെയും വിളിച്ചു നല്ല രീതിയിൽ തന്നെ കല്യാണം നടക്കുന്നതാണ് . ആരും വിഷമിക്കേണ്ട എല്ലാവരെയും വിളിക്കും

ഇങ്ങനെ ഉള്ള പോസ്റ്റുകൾ കുറെ കണ്ടത് കൊണ്ടാണ് ഇപ്പൊ ഇങ്ങനെ ഇടേണ്ടി വന്നത്

NB: ഈ പോസ്റ്റ് പല സ്ഥലത്തും കണ്ടിട്ട് എന്റെ പ്രൊഫൈൽ നോക്കാൻ വരുന്നവരോട്. ഞാനും കസ്തുരിയും അച്ഛനും കൂടി പോയാണ് അപ്ലിക്കേഷൻ കൊടുത്തത്. ഇനി പ്രത്യേകിച്ച് അറിയിക്കണം എന്നില്ല. Kasthoori Vadayil

Edit: അങ്ങനെ ഡിലീറ്റ് ചെയ്തു പോവാൻ ഞാൻ വീടോ?