|
1. മാദ്ധ്യമ പ്രവര്‍ത്തകനെ വാഹനമിടിച്ച് കൊലപ്പെടുത്തിയ കേസില്‍ ശ്രീറാം വെങ്കിട്ടരാമന്‍ ജാമ്യാപേക്ഷ നല്‍കി. തിരുവനന്തപുരം സി.ജെ.എം കോടതിയിലാണ് ജാമ്യപേക്ഷ നല്‍കിയത്. അപേക്ഷ നാളെ കോടതി പരിഗണിക്കും. അതേസമയം, പൂജപ്പുര ജില്ലാ ജയിലില്‍ എത്തിച്ച ശ്രീറാമിനെ മെഡിക്കല്‍ കോളേജിലേക്ക് മാറ്റാനും സാധ്യത. സെന്‍ട്രല്‍ ജയിലിലെ ഡോക്ടര്‍മാര്‍ പരിശോധിച്ച ശേഷമാകും തീരുമാനം. ശ്രീറാമിന് ആരോഗ്യ പ്രശ്നങ്ങള്‍ ഉണ്ട് എന്നായിരുന്നു സ്വകാര്യ ആശുപത്രിയുടെ മെഡിക്കല്‍ റിപ്പോര്‍ട്ട്. സ്‌പൈനല്‍ കോഡിന് പ്രശ്നം ഉള്ളതിനാല്‍ ഇടയ്ക്ക് ഛര്‍ദി ഉണ്ട് എന്ന് റിപ്പോര്‍ട്ടില്‍ പറയുന്നു. ആരോഗ്യ പ്രശ്നങ്ങള്‍ ഇല്ല എന്ന് മജിസ്‌ട്രേറ്റിന്റെ കണ്ടെത്തലിനെ തുടര്‍ന്നാണ് ശ്രീറാമിനെ ജില്ലാ ജയിലിലേക്ക് മാറ്റിയത്.
2. മെഡിക്കല്‍ റിപ്പോര്‍ട്ട് പരിശോധിച്ച ശേഷം ആയിരുന്നു ഉത്തരവ്. ആശുപത്രി ചികിത്സ ആവശ്യം ഇല്ല എന്നും മജിസ്‌ട്രേറ്റ് വ്യക്തമാക്കിയിരുന്നു. സ്വകാര്യ ആശുപത്രിയില്‍ ചികിത്സയില്‍ ആയിരുന്ന പ്രതിയെ പഞ്ചനക്ഷത്ര സൗകര്യങ്ങളോടെ കഴിയുന്നു, എന്ന വിവാദത്തെ തുടര്‍ന്ന് ഇന്ന് വൈകിട്ട് ആണ് ഡിസ്ചാര്‍ജ് ചെയ്തത്. ശ്രീറാമിനെ മജിസ്‌ട്രേറ്റിന്റെ വീട്ടില്‍ എത്തിച്ചത് ആംബുലന്‍സില്‍ കിടത്തി ആയിരുന്നു. നിസാര പരിക്കുകള്‍ മാത്രമെന്ന് ഡോക്ടര്‍മാര്‍ തന്നെ വിധി എഴുതിയ ശ്രീറാം വെങ്കിട്ടരാമന്‍ കഴിഞ്ഞത്, സ്വകാര്യ ആശുപത്രിയിലെ എ.സി ഡീലക്സ് റൂമില്‍ ആയിരുന്നു.
3. രാജ്യത്തെ കോടതികളില്‍ 50 വര്‍ഷമായി തീരുമാനം ആകാതെ കെട്ടികിടക്കുന്നത് ആയിരത്തിലധികം കേസുകള്‍ എന്ന് സുപ്രീംകോടതി ചീഫ് ജസ്റ്റിസ് രഞ്ജന്‍ ഗൊഗോയുടെ വെളിപ്പെടുത്തല്‍. 25 വര്‍ഷം ആയിട്ടും തീരുമാനം ആകാതെ കെട്ടികിടക്കുന്നത്, രണ്ട് ലക്ഷത്തിലധികം കേസുകള്‍ ആണെന്നും ചീഫ് ജസ്റ്റിസ്. പ്രതികരണം, അസമിലെ ഗുവഹാട്ടിയില്‍ നടന്ന പൊതു പരിപാടിയില്‍ സംസാരിക്കവെ.
4. വിവിധ ഹൈക്കോടതികളിലെ ജഡ്ജിമാരോട് ജൂലായ് 10 ന് സംസാരിച്ചപ്പോള്‍ അന്‍പതും 25 ഉം വര്‍ഷം പഴക്കമുള്ള കേസുകള്‍ തീര്‍പ്പാക്കാന്‍ നടപടി ഉണ്ടാകണം എന്ന് താന്‍ നിര്‍ദേശിച്ചു എന്നും അദ്ദേഹം പറഞ്ഞു. രാജ്യത്തെ കോടതികളില്‍ കെട്ടിക്കിടക്കുന്ന 90 ലക്ഷം സിവില്‍ കേസുകളില്‍ 20 ലക്ഷത്തോളം കേസുകളില്‍ സമന്‍സ് കൈമാറുക പോലും ചെയ്തിട്ടില്ലെന്നും ചീഫ് ജസ്റ്റിസ് പറഞ്ഞു.
5. പാര്‍ട്ടി അധ്യക്ഷ പദവിയില്‍ തുടരാന്‍ ആകില്ല എന്ന രാഹുല്‍ ഗാന്ധിയുടെ പ്രഖ്യാപനത്തിന് ശേഷം ഉള്ള ആദ്യ കോണ്‍ഗ്രസ് പ്രവര്‍ത്തക സമിതി യോഗം ശനിയാഴ്ച ചേരും. പ്രവര്‍ത്തക സമിതി ചര്‍ച്ച ചെയ്യുക, രാഹുല്‍ ഗാന്ധിയുടെ രാജി അടക്കമുള്ള വിഷയങ്ങള്‍. യോഗത്തില്‍ ഇടക്കാല പ്രസിഡന്റിനെയും തിരഞ്ഞെടുത്തേക്കും എന്ന് സൂചന.
6. പാര്‍ട്ടി നേതാക്കളുടെ നിരന്തര അഭ്യര്‍ത്ഥന തള്ളിക്കളഞ്ഞ് ആണ് രാഹുല്‍ ഗാന്ധി തിരഞ്ഞെടുപ്പ് പരാജയത്തിന്റെ ഉത്തരവാദിത്വം ഏറ്റെടുത്ത് അധ്യക്ഷ സ്ഥാനം രാജി വച്ചത്. തനിക്ക് പകരം അമ്മയേയും സഹോദരിയേയും നേതൃസ്ഥാനത്ത് കൊണ്ടു വരരുത് എന്നും രാഹുല്‍ കര്‍ശന നിര്‍ദേശം നല്‍കിയിരുന്നു. നേതൃസ്ഥാനത്തേക്ക് ശശി തരൂര്‍ അടക്കമുള്ള വ്യക്തികളുടെ പേരുകള്‍ ഉയര്‍ന്നു വന്നു എങ്കിലും അശ്രീറാം ജയിലില്‍.. കൗമുദി പ്രൈംന്യൂസിലേക്ക് സ്വാഗതം...
7. ചന്ദ്രയാന്‍ 2 പകര്‍ത്തിയ ഭൂമിയുടെ ചിത്രങ്ങള്‍ ഐ.എസ്.ആര്‍.ഒ പുറത്ത് വിട്ടു. വിക്രം ലാന്‍ഡറിലെ 14 കാമറയാണ് ചിത്രങ്ങള്‍ പകര്‍ത്തിയത്. ശനിയാഴ്ച പുലര്‍ച്ചെ 5.28ന് ലഭിച്ച ചിത്രമാണ് ഇത്. കഴിഞ്ഞ മാസം 22നാണ് ചന്ദ്രയാന്‍ 2 വിക്ഷേപിച്ചത്.
8. ഉന്നാവോയിലെ വാഹന അപകടം യാദൃശ്ചികം എന്ന് ട്രക്ക് ഉടമ ദേവേന്ദ്ര പാല്‍. എം.എല്‍.എ കുല്‍ദീപ് സെംഗാറിനെയോ പെണ്‍കുട്ടിയുടെ കുടുംബത്തെയോ പരിചയം ഇല്ല. വായ്പ മുടങ്ങിയതിനാല്‍ വാഹനം ഫിനാന്‍സ് കമ്പനി പിടിച്ചു കൊണ്ടു പോകുമെന്ന് ഭയന്നു. കമ്പനിയെ കബളിപ്പിക്കാന്‍ ആണ് നമ്പര്‍ പ്ലേറ്റില്‍ ഗ്രീസ് തേച്ചത്. സി.ബി.ഐ അന്വേഷണത്തോട് സഹകരിക്കും എന്നും ട്രക്ക് ഉടമ. കാര്‍ അമിത വേഗതയില്‍ ആയിരുന്നു എന്ന് ഡ്രൈവര്‍ പറഞ്ഞതായും ദേവേന്ദ്ര പാല്‍.
9. അതേസമയം, വാഹന അപകടത്തില്‍ പരിക്കേറ്റ് ലഖ്നൗവിലെ കിംഗ് ജോര്‍ജ് ആശുപത്രിയില്‍ ചികിത്സയിലുള്ള ഉന്നാവോ പെണ്‍കുട്ടിയുടെ ആരോഗ്യനില ഗുരുതരമായി തുടരുക ആണ്. ന്യുമോണിയ ബാധിച്ചെന്ന് ഡോക്ടര്‍മാര്‍ ഇന്നലെ അറിയിച്ചിരുന്നു. വ്യാഴാഴ്ച മുതല്‍ പെണ്‍കുട്ടിക്ക് പനി അനുഭവ പെട്ടിരുന്നു. തുടര്‍ പരിശോധനയില്‍ ആണ് ന്യുമോണിയ ബാധയുള്ളതായി കണ്ടെത്തിയത്. ആരോഗ്യ നിലയില്‍ നേരിയ പുരോഗതി ഉണ്ടെന്ന് മെഡിക്കല്‍ റിപ്പോര്‍ട്ട് പുറത്തു വന്നതിനു പിന്നാലെയാണ് കടുത്ത പനി ഉണ്ടായത്.
10. ജമ്മു കാശ്മീരിന് പ്രത്യേക അധികാരങ്ങള്‍ നല്‍കുന്ന അനുച്ഛേദങ്ങള്‍ പിന്‍വലിക്കാനുള്ള ബില്ലുകളില്‍ നിയമോപദേശം തേടി കേന്ദ്രസര്‍ക്കാര്‍. ഭരണഘടനയുടെ അനുച്ഛേദങ്ങള്‍ ആതിനാല്‍ തന്നെ ലോക്സഭയിലും രാജ്യസഭയിലും ബില്ല് മൂന്നില്‍ രണ്ട് ഭൂരിപക്ഷത്തോടെ പാസ്സാക്കിയാലേ നിയമമാകൂ. ജമ്മു കശ്മീരില്‍ ഈ വര്‍ഷം അവസാനം തിരഞ്ഞെടുപ്പ് നടക്കുമെന്ന സാഹചര്യത്തില്‍ അതിന് മുമ്പ് ഈ ബില്ലുകള്‍ പാസ്സാക്കി ശക്തമായ ഒരു രാഷ്ട്രീയ സന്ദേശം നല്‍കാന്‍ ബി.ജെ.പി ശ്രമിക്കും
11. അതേസമയം, കാശ്മീരിലെ അസാധാരണ നടപടികളില്‍ പരിഭ്രാന്തരായി പ്രദേശവാസികള്‍. ജമ്മു കശ്മീരില്‍ തീവ്രവാദ ഭീഷണികളുണ്ട്. അമര്‍നാഥ് യാത്രയ്ക്ക് നേരെ തീവ്രവാദ ഭീഷണികള്‍ ഉണ്ടായിരുന്നു. അതിനാലാണ് സൈനികവിന്യാസം ഏര്‍പ്പെടുത്തുന്നത് എന്ന് ഗവര്‍ണര്‍ അറിയിച്ചു.
|
|
|
