കഴുത്തിൽ കയർ കുടുങ്ങി പിടയുന്ന അഞ്ചുവയസുകാരൻ അനുജനെ ധീരതകാട്ടി രക്ഷകയായെത്തിയത് സ്വന്തം സഹോദരി. തുർക്കിയിലെ ഇസ്താംബുളിലാണ് സംഭവം നടക്കുന്നത്. സഹോദരനും സഹോദരിയും മറ്റൊരു കുട്ടിയോടൊപ്പം കളിക്കാൻ പോകാനാണ് ലിഫ്റ്റിൽ കയറിപ്പോഴാണ് അപകടം നടക്കുന്നത്. കളിക്കാൻ ഉപയോഗിക്കുന്ന കയർ കെെയ്യിൽ കരുതിയാണ് ആൺകുട്ടി ലിഫ്റ്റിൽ കയറിയത്. എന്നാൽ ലിഫ്റ്റിന്റെ വാതിൽ അടഞ്ഞപ്പോൾ കയറിന്റെ പകുതി ഭാഗം പുറത്താകുകയും ലിഫ്റ്റ് താഴാൻ തുടങ്ങിയതോടെ കയർ കുടുങ്ങി കുട്ടിയുടെ കഴുത്ത് ‌ഞെരുങ്ങുകയും ചെയ്തു.

എന്നാൽ സംഭവം കണ്ട ആൺകുട്ടിയുടെ സഹോദരി പെട്ടെന്ന് തന്ന് അപായമണി മുഴക്കി ലിഫ്റ്റ് നിർത്തി. ഇതിനുശേഷം സഹോദരന്റെ കഴുത്ത് കയറിൽ നിന്നു മാറ്റി താഴെയിറക്കി. കഴുത്തിനു പരുക്കേറ്റെങ്കിലും കുട്ടി രക്ഷപ്പെട്ടു എന്നാണ് റിപ്പോർട്ടുകൾ. വീ‌‌ഡിയോ വെെറലായതോട് കൂടി പെൺകുട്ടിയുടെ ധെെര്യത്തെ പുകഴ്ത്തി നിരവധി പേരാണ് രംഗത്തെത്തിയിരിക്കുന്നത്.

Horrifying moment! Sister stayed calm and saved the boy who got hang by toy rope inside an elevator in Istanbul, Turkey. Please watch your children when using elevator. pic.twitter.com/NmZ2x5VwyE

— People's Daily, China (@PDChina) August 1, 2019