കൊച്ചി : ചിങ്ങമാസത്തിലെ കല്യാണ സീസണിന് കേവലം ദിവസങ്ങൾ മാത്രം ബാക്കി നിൽക്കേ വാനോളമുയർന്ന് സ്വർണവില. ഇന്ന് മാത്രം 280രൂപയാണ് പവന് വർദ്ധിച്ചത്. ഇതോടെ ഒരു പവൻ സ്വർണത്തിന് വില 26880 ആയിരിക്കുകയാണ്. ഒരു ഗ്രാം സ്വർണത്തിന് 3360 രൂപയാണ് വില. കഴിഞ്ഞ ദിവസവും നാനൂറ് രൂപ പവന് വർദ്ധിച്ചിരുന്നു. ഇന്നത്തെ വർദ്ധനവ് കൂടി കണക്കാക്കുമ്പോൾ ആഗസ്റ്റ് മാസത്തിൽ മാത്രം 1200 രൂപയാണ് വർദ്ധിച്ചത്. ആഗോള വിപണിയിലെ വില വർദ്ധനവാണ് ഇവിടെയും വിലക്കയറ്റത്തെ സ്വാധീനിക്കുന്നത്.