ന്യൂഡൽഹി: കാശ്മീരിന് പ്രത്യേക പദവി നൽകുന്ന ആർട്ടിക്കിൾ 370 റദ്ദാക്കിയ പ്രധാനമന്ത്രി നരേന്ദ്രമോദിയേയും കേന്ദ്ര അഭ്യന്തരമന്ത്രി അമിത്ഷായേയും പ്രകീർത്തിച്ച് സൂപ്പർസ്റ്റാർ രജനികാന്ത്. മോദിയും അമിത്ഷായും അർജുനനെയും കൃഷ്ണനെയുംപോലെയാണെന്ന് അദ്ദേഹം പറഞ്ഞു.

'താങ്കളുടെ മിഷൻ കാശ്മീരിന് എന്റെ ഹൃദയം നിറഞ്ഞ അഭിനന്ദനങ്ങൾ. പാർലമെന്റിലെ താങ്കളുടെ പ്രസംഗം വളരെ മനോഹരമായിരുന്നു. അമിത്ഷായും മോദിയും കൃഷ്ണനെയും അർജുനനെയും പോലെയാണ്. അവരാരാണെന്ന് ആവർക്ക് മാത്രമേ അറിയുകയുള്ളു. എല്ലാവിധ ആശംസകളും നേരുന്നു'-രജനികാന്ത് പറഞ്ഞു.

ഉപരാഷ്ട്രപതി വെങ്കയ്യ നായിഡുവിന്റെ പുസ്തക പ്രകാശന ചടങ്ങിൽ സംസാരിക്കുകയായിരുന്നു അദ്ദേഹം. 'വെങ്കയ്യ നായിഡു എല്ലായിപ്പോഴും ജനങ്ങളുടെ നന്മ ആഗ്രഹിക്കുന്ന വ്യക്തിയാണ്. അദ്ദേഹം രാഷ്ട്രീയക്കാരനാകേണ്ട വ്യക്തിയല്ല. വെങ്കയ്യ നായിഡു നല്ലൊരു ആത്മീയ നേതാവാണ്. രജനികാന്ത്'- പറഞ്ഞു.