ന്യൂഡൽഹി: സ്വന്തം നിലപാടുകൾ കൊണ്ട് എന്നും ശ്രദ്ധിക്കപ്പെട്ട താരമാണ് പ്രിയങ്ക ചോപ്ര. ഇപ്പോൾ പാക് യുവതിക്ക് നൽകിയ മറുപടിയിലൂടെയാണ് താരം സോഷ്യൽ മീഡിയയിൽ നിറയുന്നത്. അമേരിക്കയിലെ ലോസ് ആഞ്ചല്‍സില്‍ നടന്ന ബ്യൂട്ടികോണ്‍ ഫെസ്റ്റിവലിനിടെയായിരുന്നു സംഭവം. ഫെസ്റ്റിവലിലെ പരിപാടിക്കിടെയാണ് പ്രേക്ഷകയായ പാക് യുവതി പ്രിയങ്കയോടെ ചോദ്യം ചോദിച്ചത്.

'താങ്കൾ യുഎന്നിന്റെ സമാധാന ഗുഡ്ഡ് വിൽ അംബാസഡറാണ്. എന്നാൽ, പാകിസ്ഥാനിൽ ആണവ യുദ്ധത്തെ പ്രോത്സാഹിപ്പിക്കുകയാണ് നിങ്ങൾ ചെയ്തത്. ഇത് ശരിയായ വഴിയല്ല. എന്നെപ്പോലെ ധാരാളം പാകിസ്ഥാനികൾ നിങ്ങളെ അഭിനേത്രി എന്ന നിലയില്‍ ഇഷ്ടപ്പെടുന്നുണ്ട്' പാക് യുവതി പറഞ്ഞു. ഫെബ്രുവരിയിൽ ഇന്ത്യ നടത്തിയ ബാലാകോട്ട് ആക്രമണത്തെ പിന്തുണച്ച് കൊണ്ടുള്ള പ്രിയങ്കയുടെ അഭിപ്രായത്തെ ചൂണ്ടിക്കാട്ടിയാണ് യുവതി ഇക്കാര്യം ചോദിച്ചത്. എന്നാൽ പ്രിയങ്ക വളരെ പക്വമായിത്തന്നെ മറുപടി പറയുകയും ചെയ്തു.

'എനിക്ക് പാകിസ്ഥാനിൽ നിരവധി സുഹൃത്തുക്കളുണ്ട്. ഞാനൊരിക്കലും യുദ്ധത്തെ പ്രോത്സാഹിപ്പിക്കുന്നയാളല്ല. പക്ഷേ രാജ്യസ്നേഹിയാണ്. എന്റെ പ്രസ്താവന ആരെയെങ്കിലും വേദനിപ്പിച്ചിട്ടുണ്ടെങ്കിൽ അവരോട് ക്ഷമ ചോദിക്കുന്നു. നമ്മളിവിടെ സ്നേഹിക്കാനാണ് ഒത്തുകൂടിയത്. ഇക്കാര്യം ചോദിക്കാൻ നിങ്ങൾക്രുദ്ധയാകേണ്ട കാര്യമില്ല. പ്രിയങ്ക മറുപടി പറഞ്ഞു. പ്രിയങ്കയുടെ മറുപടി സോഷ്യൽ മീഡിയയിൽ വെെറലായി. നിരവധി പേരാണ് താരത്തെ അഭിനന്ദിച്ച് കൊണ്ട് രംഗത്തെത്തിയിരിക്കുന്നത്.

That Pakistani girl who jumped @priyankachopra was very disrespectful! #BeautyconLA smh i was supposed to be the next one to ask a question but she ruined it for all pic.twitter.com/KrLWsLEACa

— Kadi (@ItsnotKadi) August 10, 2019