ജോലിയുടെയും വിദ്യാഭ്യാസത്തിന്റെയുമൊക്കെ ഭാഗമായി ലോകത്തിൻറെ നാനാ ഭാഗത്തു നിന്നുള്ളവർ താമസിക്കുന്ന സ്ഥലമാണ് യു.എ.ഇ. അതിരുകളില്ലാത്ത ഒരുമയ്ക്കുള്ള ഉത്തമ ഉദാഹരണം കൂടിയാണ് ഇവിടത്തെ ജീവിത ശൈലി. വെറുപ്പിന്റെ കഥയല്ല ഐക്യത്തിന്റെ കഥയാണ് ഇവിടെ ജീവിക്കുന്ന ഓരോരുത്തർക്കും പറയാനുള്ളത്. പ്രവാസികളെപ്പറ്റിയുള്ള ഒരു എഴുത്തുകാരന്റെ കുറിപ്പ് സോഷ്യൽ മീഡിയയിൽ വൈറലായിക്കൊണ്ടിരിക്കുകയാണ്.

'വാസ്തവത്തിൽ, ഞങ്ങൾ സഹപ്രവർത്തകർ മാത്രമല്ല(പ്രത്യേകിച്ച് ഇന്ത്യക്കാരും പാകിസ്ഥാനികളും)​ നല്ല സുഹൃത്തുക്കൾ കൂടിയാണ്. ഈ സൗഹൃദങ്ങളുടെ പേരിൽ ഞങ്ങൾ ക്ഷമ ചോദിക്കേണ്ട ആവശ്യമില്ല. ഒരാൾ മറ്റൊരാളുടെ വീട്ടിൽ നടക്കുന്ന ചടങ്ങുകളിൽ പങ്കെടുക്കുന്നു. നമ്മുടെ കുട്ടികൾ മുൻവിധിയോ പക്ഷപാതിത്വമോ ഇല്ലാതെ വളരുന്നു. അവർ ക്ലാസുകളിൽ ഒരുമിച്ചിരിക്കുന്നു. അവധി ദിവസങ്ങൾ പരസ്പരം വീടുകളിൽ ചെലവഴിക്കുന്നു. രണ്ട് രാജ്യങ്ങളെപ്പോലെ നമ്മൾ അയൽക്കാരാണ്,അല്ലാതെ അയൽക്കാരെ എതിരാളികളായി കാണുന്നില്ല. രാജ്യങ്ങൾ തമ്മിലുള്ള ക്രിക്കറ്റ് മത്സരം നടക്കുമ്പോൾ ഞങ്ങൾ ഞങ്ങളുടെ ടീമിനെ പിന്തുണയ്ക്കാറുണ്ട്. എന്നാൽ അത് നല്ല ആരോഗ്യകരമായ ഒരു മത്സരം മാത്രമാണ്.

35 വർഷത്തെ യു‌.എ.ഇ ജീവിതത്തിൽ, എന്റെ ചില നല്ല ചങ്ങാതിമാർ‌ അതിർത്തിക്കപ്പുറത്തു നിന്നുള്ളവരാണ്. ഞങ്ങൾ അവരുമായി ദു:ഖങ്ങളും സന്തോഷങ്ങളുമൊക്കെ പങ്കുവയ്ക്കുന്നു. ജന്മദിനങ്ങൾ, വാർഷികങ്ങൾ, ഉത്സവങ്ങൾ എന്നിവപോലുള്ള പ്രത്യേക അവസരങ്ങളിൽ പരസ്പരം പങ്കെടുക്കുന്നു.

ബാക്കി കഥ കേൾക്കാൻ നിങ്ങൾ ആഗ്രഹിക്കുന്നില്ലെന്നെനിക്കറിയാം, അത് വൈരാഗ്യത്തിന്റെ അർത്ഥശൂന്യതയെ വ്യക്തമാക്കുന്നു. ഞങ്ങൾ പതിവായി രാഷ്ട്രീയം സംസാരിക്കുകയോ വേദനിപ്പിക്കുന്ന വാദങ്ങളിൽ ഏർപ്പെടുകയോ ചെയ്യാറില്ല. ഒരുപക്ഷേ അതിന് കാരണം യു.എ.ഇ സഹിഷ്ണുതയ്ക്കും സൗഹാർദ്ദത്തിനും ഊന്നൽ നൽകുകയും അത് ഞങ്ങളുടെ ചിന്തയെ മാറ്റുകയും ചെയ്തത് കൊണ്ടായിരിക്കാം.

നമ്മൾ വിദേശത്തായിരിക്കുമ്പോൾ ഉണ്ടാകുന്ന ഈ ആത്മാർത്ഥത അവധിക്ക് നാട്ടിലേക്ക് പോകുമ്പോൾ മഞ്ഞുകട്ടപോലെ ഉരുകിപ്പോകുന്നു. കാരണം ഈ 'നിങ്ങൾക്ക്' ശരിക്കും ചങ്ങാതിമാരാകാൻ കഴിയില്ല' എന്ന നിലപാടാണ് ഉള്ളത്. അതൊരു പൊതുവായ ബലഹീനതയാണ്.

അവധിക്ക് ശേഷം സമ്മാനങ്ങളും മധുരപലഹാരങ്ങളും ചെറിയ കുറ്റബോധവും ചുമന്നുകൊണ്ട് ഞങ്ങളെ ദത്തെടുത്ത വീട്ടിലേക്ക് ഞങ്ങൾ മടങ്ങിവരുന്നു.ഞാൻ നിഷ്കളങ്കനും ഭയങ്കരനുമാണെന്ന് നിങ്ങൾ വിചാരിച്ചേക്കാം, പക്ഷേ നിങ്ങൾക്ക് വർഷങ്ങളോളം മാത്രമല്ല, ഒരോ വർഷം തോറും അഭിനയിക്കാൻ കഴിയും. ആ അഭിനയം പുതുതലമുറയിലേക്ക് വരെ വ്യാപിക്കും.' അദ്ദേഹം കുറിച്ചു.