നാഗ്പൂർ: കാശ്മീരിന്റെ പ്രത്യേക പദവി റദ്ദാക്കിയതിൽ പ്രധാനമന്ത്രി നരേന്ദ്ര മോദിയെ അഭിനന്ദിച്ച് ആർ.എസ്.എസ്. തലവൻ മോഹൻ ഭാഗവത്. മോദിയാണെങ്കിൽ സാദ്ധ്യമാകും ( 'മോദി ഹൈൻ തോ മുംമ്കിൻ ഹൈൻ')​ എന്നായിരുന്നു ഭാഗവതിന്റെ അഭിനന്ദനം. ആർ.എസ്.എസ് ആസ്ഥാനമായ നാഗ്പൂരിർ സ്വാതന്ത്ര്യദിന ചടങ്ങിൽ സംസാരിക്കുകയായിരുന്നു ഭാഗവത്. ആർട്ടിക്കൾ 370 റദ്ദാക്കിയതിലൂടെ ഒരുപ്രധാന പ്രശ്നം പരിഹരിച്ചെന്നും മോഹൻ ഭാഗവത് പറഞ്ഞു.

ഇനിമുതൽ രാജ്യത്തെ മറ്റ് പൗരന്മാരെപ്പോലെ ജമ്മു കാശ്മീരിലെ ജനങ്ങൾക്കും സമാധാനത്തോടെ ജീവിക്കാം. അവർക്ക് തുല്യ അവസരമാണ് കൈവന്നിരിക്കുന്നത്. പ്രധാനമന്ത്രി നരേന്ദ്ര മോദിയുടെ ശക്തമായ ഭരണനേതൃത്വമാണ് ഇതിന് പിന്നിൽ. ജമ്മുകാശ്മീരിലെയും രാജ്യത്തെയും മൊത്തം ജനങ്ങളുടെ ആവശ്യമാണ് സാദ്ധ്യമായതെന്നും ഭാഗവത് പറഞ്ഞു. ഇന്ത്യ സൂപ്പർ പവറായി മാറുകയാണെന്നും അദ്ദേഹം വ്യക്തമാക്കി.