സ്വന്തം പാർട്ടിക്കെതിരെ പ്രവർത്തിച്ചതിന് സ്പീക്കർ അയോഗ്യനാക്കിയ കർണാടക മുൻ കോൺഗ്രസ് വിമത എം.എൽ.എയാണ് കർണാടകയിലെ എം.ടി.ബി നാഗരാജ്. നാഗരാജ് ഇപ്പോൾ വാർത്തകളിൽ നിറയുന്നത് അദ്ദേഹം വാങ്ങിച്ച കാറിന്റെ പേരിലാണ്. ഇന്ത്യയിൽ നിർമിക്കുന്ന വാഹനങ്ങളിൽ ഏറ്റവും വില കൂടിയതായ 'റോൾസ് റോയ്‌സ് ഫാന്റം 8' എന്ന വാഹനമാണ് ഈ 'മുൻ' എം.എൽ.എ സ്വന്തമാക്കിയിരിക്കുന്നത്. ഈ ആഡംബര വാഹനത്തിന്റെ എക്സ്-ഷോറൂം വില 9.5 കോടി രൂപയാണ്. ഇതിന്റെ ഓൺ റോഡ് വിലയാണ് 11 കോടി രൂപ.
റോൾസ് റോയ്‌സ് ഫാന്റം 8 കസ്റ്റമൈസ് ചെയ്യാനാകുന്ന വാഹനമാണ്. അങ്ങനെ ചെയ്‌താൽ ഈ കാറിന്റെ വിലയിൽ വീണ്ടും കോടികളുടെ വർദ്ധനയുണ്ടാകും. എന്നാൽ നാഗരാജിന്റെ വാഹനം കസ്റ്റമൈസ് ചെയ്യപ്പെട്ടതാണോ എന്ന് അറിവില്ല. രാഷ്ട്രീയക്കാരായി മാറിയ സിനിമാക്കാർ ഒഴിച്ചാൽ ഇന്ത്യയിൽ മറ്റൊരു രാഷ്ട്രീയക്കാരനും ഇത്രയും വില കൂടിയ കാർ സ്വന്തമായി ഇല്ല. എന്നാൽ നാഗരാജ് ഈ കാർ വാങ്ങിയതിൽ വലിയ അത്ഭുതമൊന്നുമില്ല.
കഴിഞ്ഞ തിരഞ്ഞെടുപ്പിൽ 1000 കോടി രൂപയുടെ സ്വത്തുക്കൾ തനിക്കുണ്ടെന്നാണ് നാഗരാജ് തിരഞ്ഞെടുപ്പ് കമ്മീഷനോട് വെളിപ്പെടുത്തിയത്. ഈ കാർ വാങ്ങുക എന്നത് തന്റെ ഏറെ കാലമായുള്ള സ്വപ്നമായിരുന്നു എന്നാണ് നാഗരാജ് പറയുന്നത്. നികുതി ഈടാക്കുന്നത് മൂലം അന്താരാഷ്ട്ര വിലയുടെ ഇരട്ടിയാണ് റോൾസ് റോയ്‌സ് ഫാന്റം ഫോറിന് ഇന്ത്യയിൽ. ഒരു ആഡംബര വാഹനത്തിന് അനുയോജ്യമായ എല്ലാ സൗകര്യങ്ങളും ഈ കാറിലുണ്ട്.നാഗരാജ് കാർ വാങ്ങിയതിന്റെ വാർത്ത കർണാടകയിലെ കോൺഗ്രസ് നേതാവ് നിവേദ് ആൽവയാണ് ട്വിറ്ററിലൂടെ പുറത്തറിയിച്ചത്.
He was already a millionaire - but now fresh from his holiday in Mumbai, for where he took off for by a personal flight (remember), recently disqualified @INCKarnataka MLA @MTBNagaraj (centre right of photo) poses with this new Rolls Royce Phantom. pic.twitter.com/UNJEipJtJJ