പ​ത്ത​നാ​പു​രം: സി​.പി​.എം - സി​.പി​.ഐ സം​ഘർ​ഷത്തിൽ പൊ​ലീ​സു​കാ​രുൾപ്പ​ടെ ഏ​ഴുപേർ​ക്ക് പ​രി​ക്കേറ്റു. പൊ​ലീ​സ് ലാ​ത്തി​ച്ചാർജിൽ ത​ല​യ്​ക്ക് സാ​ര​മാ​യി പ​രി​ക്കേ​റ്റ ഡി.വൈ.എ​ഫ്.ഐ പ്ര​വർ​ത്ത​കൻ ഡെൻ​സ​നെ കൊ​ല്ലം ജി​ല്ലാ ആ​ശു​പ​ത്രി​യിൽ പ്ര​വേ​ശി​പ്പി​ച്ചു. സി.ഐ.ടി.യു പ്ര​വർ​ത്ത​ക​രാ​യ മ​ത്സ്യ ക​യ​റ്റി​റ​ക്ക് തൊ​ഴി​ലാ​ളി​ക​ളിൽ ചി​ലർ എ.ഐ.ടി.യു.സി​യി​ലേ​ക്ക് മാ​റി​യ​തു​മാ​യി ബ​ന്ധ​പ്പെ​ട്ട തർ​ക്ക​മാ​ണ് പ്ര​ശ്‌​ന​ങ്ങൾ​ക്ക് തു​ട​ക്കം. ഇ​ന്ന​ലെ രാ​ത്രി ഒൻ​പ​ത​ര​യോ​ടെ ക​ല്ലും​ക​ട​വിൽ എ​ത്തി​യ മ​ത്സ്യം ഇ​റ​ക്കു​ന്ന​തു​മാ​യി ബ​ന്ധ​പ്പെ​ട്ട് പാർ​ട്ടി വി​ട്ട​വ​രു​മാ​യി ഉ​ണ്ടാ​യ തർ​ക്ക​ങ്ങ​ളാ​ണ് സം​ഘർ​ഷ​ത്തിൽ ക​ലാ​ശി​ച്ച​ത്. പൊ​ലീ​സ് വാ​ഹ​ന​മുൾ​പ്പടെ ആ​റോ​ളം വാ​ഹ​ന​ങ്ങ​ളും ത​കർ​ത്തു. ഡി.വൈ.എ​ഫ്.ഐ പ്ര​വർ​ത്ത​ക​രാ​യ ഡെൻ​സൻ വർ​ഗീ​സ്, റെ​ജി​മോൻ, പ്ര​കാ​ശ് എ​ന്നി​വർ​ക്കും അ​നൂ​പ് സാ​ഗർ, സാ​ബു, പ്ര​വീൺ.ടി.നാ​യർ എ​ന്നീ പൊ​ലീ​സു​കാർ​ക്കു​മാ​ണ് പ​രി​ക്കേ​റ്റ​ത്. ​പൊ​ലീ​സുകാർ പു​ന​ലൂർ താ​ലൂ​ക്ക് ആ​ശു​പ​ത്രി​യിൽ ചി​കി​ത്സ​യി​ലാ​ണ്.

സം​ഭ​വ​ത്തെ തു​ടർ​ന്ന് ഡി.വൈ.എ​ഫ്.ഐ പ്ര​വർ​ത്ത​കർ പു​ന​ലൂർ - മൂ​വാ​റ്റു​പു​ഴ റോ​ഡ് ഉ​പ​രോ​ധി​ച്ചു. റോ​ഡി​ലൂ​ടെ ക​ട​ന്നു​പോ​യ സ്വ​കാ​ര്യ വാ​ഹ​ന​ങ്ങ​ളും പ്ര​തി​ക്ഷേ​ധ​ക്കാർ അ​ടി​ച്ചുത​കർ​ത്തു. സം​ഭ​വ​ത്തിൽ നാ​ൽപ​തോ​ളം പേർ​ക്കെ​തി​രെ കേ​സെ​ടു​ത്തു. സി.പി.ഐ പ്ര​വർ​ത്ത​ക​രാ​യ മ​ഞ്ച​ള്ളൂർ കാ​രം മൂ​ട് മു​ഹ​മ്മ​ദാ​ലി, പി​റ​വ​ന്തൂർ പാ​ലേ​രി സു​ധീർ എ​ന്നി​വ​രെ പൊ​ലീ​സ് അ​റ​സ്റ്റ് ചെ​യ്​തു. പ്ര​ദേ​ശ​ത്ത് സം​ഘർ​ഷ സാ​ദ്ധ്യ​ത നി​ല​നി​ൽക്കു​ക​യാ​ണ്. ക​ല്ലും​ക​ട​വി​ലും ജം​ഗ്​ഷ​നി​ലും പൊ​ലീ​സി​നെ വി​ന്യ​സി​ച്ചി​ട്ടു​ണ്ട്. സംഭവവുമായി ബന്ധപ്പെട്ട് പൊതുമുതൽ നശിപ്പിച്ചതിന് 50 സി.പി.എം പ്രവർത്തകർക്കെതിരെ പൊലീസ് കേസെടുത്തു.