മലയാളികൾക്ക് ഏറെ പ്രിയപ്പെട്ട അവതാരികയാണ് അശ്വതി ശ്രീകാന്ത്. തന്റെ തനതായ അവതരണ ശെെലിയിലൂടെ നിരവധി ആരാധകരെയും അശ്വതി നേടിയെടുത്തിട്ടുണ്ട്. താരത്തിന്റെ വിവാഹ വാർഷിക ദിനത്തിൽ പങ്കുവച്ച ഒരു രസകരമായ കുറിപ്പാണ് ഇപ്പോൾ സോഷ്യൽ മീഡിയയിൽ ശ്രദ്ധേയമാകുന്നത്. വിവാഹത്തിന് മുന്നെ കാമുകൻ ചോദിച്ച ചോദ്യത്തിന് താൻ കണ്ണിൽ ചോരയില്ലാത്ത മറുപടിയാണ് നൽകിയതെന്ന് അശ്വതി പറയുന്നു.

വീട്ടുകാർ സമ്മതിച്ചിട്ട് കല്യാണം നടക്കുമെന്ന് ഒരു പ്രതീക്ഷയുമില്ലാതിരുന്ന കാലത്താണ കാമുകൻ ആ ചോദ്യം ചോദിച്ചത്. എന്നാൽ ഒളിച്ചോട്ടത്തിന് താൻ ഇല്ലെന്നും മേക്കപ്പ് ഒക്കെ ഇട്ട് കല്യാണ സാരിയൊക്കെ ഉടുത്തൊരു ഫോട്ടോ എടുക്കണമെന്നും അശ്വതി ഫേസ്ബുക്കിൽ കുറിച്ചു.

ഫേസ്ബുക്ക് കുറിപ്പിന്റെ പൂർണരൂപം

വീട്ടുകാർ സമ്മതിച്ചിട്ട് കല്യാണം നടക്കുമെന്നു ഒരു പ്രതീക്ഷയുമില്ലാതിരുന്ന കാലത്ത് കാമുകന്റെ ക്‌ളീഷേ ചോദ്യം : ഞാൻ വിളിച്ചാ നീ ഇറങ്ങി വരുവോ?

കണ്ണിൽ ചോരയില്ലാത്ത കാമുകി: ഇല്ല

കാമുകൻ: നിനക്കല്ലേലും നിന്റെ വീട്ടുകാരാ വലുതെന്ന് എനിക്കറിയാം...ഒടുവിൽ ഞാൻ മണ്ടനാകും (അന്ന് ‘ശശി’ പ്രയോഗം നിലവിൽ വന്നിരുന്നില്ല).

കാമുകി: ഓഹ്, അതല്ലെന്ന്... എനിക്ക് മേക്കപ്പ് ഒക്കെ ഇട്ട് കല്യാണ സാരിയൊക്കെ ഉടുത്തൊരു ഫോട്ടോ എടുക്കണം. രജിസ്റ്റർ മാരേജിന്റെ ഫോട്ടോ ഫ്രെയിം ചെയ്‌താൽ ഒരു രസോണ്ടാവൂല്ല.

കാമുകൻ : കൊല്ലം കുറെ കാത്തിരുന്നെങ്കിലും വീട്ടുകാര് കല്യാണം അടിപൊളിയാക്കി തന്നു. ആഗ്രഹം പോലെ കല്യാണ ഫോട്ടോയുമെടുത്തു, ഫ്രെയിമും ചെയ്തിട്ട് ഇന്ന് കൊല്ലം ഏഴായി. പക്ഷേ അത് തൂക്കാൻ ഭിത്തിയേൽ എങ്ങാൻ ആണിയടിച്ചാൽ വിവരമറിയും ന്ന് അച്ഛൻ പറഞ്ഞിട്ടുണ്ട്. അല്ലേലും അച്ഛൻ സമ്മതിക്കാതെ ഞാൻ ഒന്നും ചെയൂല്ലല്ലോ.