ശ്രീനഗർ : ജമ്മു കാശ്മീരിന് പ്രത്യേക പദവി നൽകുന്ന ആർട്ടിക്കിൾ 370-ാം നീക്കം ചെയ്തതിന് പിന്നാലെ ജമ്മു കാശ്മീർ സിവിൽസെക്രട്ടേറിയറ്റ് കെട്ടിടത്തിൽ നിന്ന് സംസ്ഥാന പതാക നീക്ക ചെയ്തു. പകരം ദേശീയ പതാക ഉയർത്തി.

370-ാം വകുപ്പ് നീക്കം ചെയ്തതിനെതുടർന്ന് സർക്കാർ ഓഫീസുകളിൽ നിന്നും വാഹനങ്ങളിൽ നിന്നും സംസ്ഥാന പതാക നീക്കംചെയ്തിരുന്നു. എന്നാൽ സിവിൽ സെക്രട്ടേറിയറ്റിൽനിന്ന് സംസ്ഥാന പതാക നീക്കം ചെയ്തിരുന്നില്ല. ഇനി ഇവിടെയുള്ള എല്ലാ സർക്കാർ ഓഫീസുകളിലും ദേശീയ പതാക മാത്രമേ കാണാനാകൂ എന്ന് ഔദ്യോഗിക വൃത്തങ്ങൾ അറിയിച്ചു. ജമ്മു കശ്മീരിന്റെ ഭരണ സിരകേന്ദ്രമായ സിവിൽ സെക്രട്ടേറിയറ്റ് ശ്രീനഗറിലാണ് സ്ഥിതി ചെയ്യുന്നത്.

ജമ്മു കാശ്മീരിന് സ്വന്തമായുള്ള പതാകയായിരുന്നു നേരത്തെ സർക്കാർ ഓഫീസുകളിലും മറ്റും ഉണ്ടായിരുന്നത്. സംസ്ഥാനത്തിന്റെ പ്രത്യേക പദവി എടുത്ത് കളഞ്ഞതോടെ ഈ പതാക ഔദ്യോഗികമല്ലാതായി.