കൽപ്പറ്റ: വയനാട്ടിലെ പുത്തുമലയിൽ ഉരുൾപൊട്ടലിൽ വീടു നഷ്‌ടപ്പെട്ടവർക്ക് വീടുവയ്‌ക്കാൻ കൽപ്പറ്റ ടൗണിൽ 12 കോടി രൂപ മതിക്കുന്ന രണ്ട് ഏക്കർ സ്ഥലം ഡോ. ബോബി ചെമ്മണൂർ സൗജന്യമായി വിട്ടുനൽകും. കളക്‌ടറേറ്റിൽ മന്ത്രി കടന്നപ്പള്ളി രാമചന്ദ്രൻ, സി.കെ. ശശീന്ദ്രൻ എം.എൽ.എ എന്നിവരുമായി അദ്ദേഹം നടത്തിയ ചർച്ചയിലാണ് തീരുമാനം. കൽപ്പറ്റയിലെ ലൈഫ് വിഷൻ ചാരിറ്റബിൾ ട്രസ്‌റ്രിന്റെ കീഴിലെ അഗതിമന്ദിരത്തിന്റെ പത്തേക്കറിൽ നിന്നാണ് രണ്ടേക്കർ ഭൂമി ദുരിതബാധിതർക്ക് നൽകുന്നത്.