തിരുവനന്തപുരം: ഗണേശോത്സവ ട്രസ്റ്റ് കമ്മിറ്റിയുടെ ആഭിമുഖ്യത്തിൽ ആഗസ്റ്റ് 28 മുതൽ സെപ്തംബർ 5 വരെ നടക്കുന്ന ഗണേശോത്സവ ആഘോഷങ്ങളുടെ ഭാഗമായി പ്രതിഷ്ഠാ കേന്ദ്രങ്ങളിലേക്കു കൊണ്ടുപോകാനുള്ള വിഗ്രഹങ്ങൾ പ്രാദേശിക ഗണേശോത്സവ കമ്മറ്റി ഭാരവാഹികൾ ഏറ്റുവാങ്ങി. പ്രത്യേക പൂജാ ചടങ്ങുകൾക്കു ശേഷം ആദ്യവിഗ്രഹം നടൻ ദിനേഷ് പണി​ക്ക​രിൽനിന്ന് ഭീമാ ജുവലേഴ്സ് ഉടമ ഭീമാഗോവിന്ദൻ ഏറ്റുവാങ്ങി. ട്രസ്റ്റ് കൺവീ​നർ ആർ. ഗോപി​നാ​ഥൻ നായർ, ട്രസ്റ്റ് മുഖ്യ​കാര്യദർശി എം.​എ​സ്. ഭുവ​ന​ച​ന്ദ്രൻ, രാമ​ച​ന്ദ്രൻ നായർ, സലീം മാറ്റ​പ്പള്ളി, രാധാ​കൃ​ഷ്ണൻ ബ്ലൂസ്റ്റാർ, ശ്രീകു​മാർ ചന്ദ്രാ പ്രസ്, ചെങ്കൽ ശ്രീകു​മാർ തുട​ങ്ങി​യ​വർ സംബ​ന്ധി​ച്ചു.

ജില്ലയിലെ 1008 പ്രതിഷ്ഠാ കേന്ദ്രങ്ങളിലും രണ്ട് ലക്ഷം വീടുകളിലും 28 മുതൽ ഗണേശപൂജ ആരംഭിക്കും. ത്രിമു​ഖ​ഗ​ണ​പ​തി, ശക്തി​ഗ​ണ​പ​തി, തരു​ണ​ഗ​ണ​പ​തി, വീര​ഗ​ണ​പ​തി, ദൃഷ്ടിഗണ​പതി, ലക്ഷ്മി​വി​നാ​യ​കൻ, ബാല​ഗ​ണ​പ​തി, ഹേരം​ബ​ഗ​ണ​പ​തി, പഞ്ച​മു​ഖ​ഗ​ണ​പതി തുടങ്ങി 32 രൂപ​ഭാ​വ​ങ്ങ​ളിലും വക്ര​തു​ണ്ടൻ, ഗജ​മു​ഖൻ, ഏക​ദ​ന്തൻ, വിക​ടൻ, മഹോ​ദ​രൻ, ലംബോ​ദ​രൻ തുടങ്ങി എട്ട് അവ​താ​ര​രൂ​പ​ത്തിലുമുള്ള ഗണേ​ശ​വി​ഗ്ര​ഹ​ങ്ങളാണ് പ്രതിഷ്ഠ നടത്തുന്നത്. ഗണേശോത്സവ ആഘോഷങ്ങളുടെ സംസ്ഥാനതല ഉദ്ഘാടനം തിരുവിതാംകൂർ രാജകുടുംബാംഗം ഗൗരീ ലക്ഷ്മിഭായി ഇന്ന് വൈകിട്ട് 6ന് കിഴക്കേകോട്ടയിൽ നിർവഹിക്കും. സപ്താഹ യജ്ഞാചാര്യൻ പള്ളിക്കൽ സുനിൽ അനുഗ്രഹ പ്രഭാഷണം നടത്തും.