കൊച്ചി: കറിവയ്ക്കാനായി മീൻ വൃത്തിയാക്കുന്നതിനിടെ തൊലിക്കിടയിൽ നിന്ന് കണ്ടെത്തിയത് ജീവനുള്ള നൂറോളം നൂൽപ്പുഴുക്കളെ. വൈറ്റില കൊച്ചുവീട്ടിൽ അഗസ്റ്റിന്റെ വീട്ടിൽ വാങ്ങിയ മീനിലാണ് പുഴുക്കളെ കണ്ടെത്തിയത്. രണ്ടിഞ്ച് നീളത്തിലുള്ള പുഴുക്കളെയാണ് കണ്ടെത്തിയത്.

ഉടൻ വീട്ടുകാ‌ർ ഡിവിഷൻ കൗൺസിലർ ബൈജു തോട്ടോളിയെ വിവരമറിയിച്ചു. സ്ഥലത്തെത്തിയ അദ്ദേഹം കോപ്പറേഷൻ ഹെൽത്ത് സൂപ്പർവൈസറെ വിവരമറിയിച്ചെങ്കിലും അവധി ദിവസമായതിനാൽ അധികൃതർ സ്ഥലത്തെത്തിയില്ല. ഇവർ എത്തുന്നത് വരെ മീൻ സൂക്ഷിച്ചുവയ്‌ക്കുമെന്ന് അഗസ്റ്റിൻ പറഞ്ഞു.

അഗസ്റ്റിന്റെ വീടിന്റെ സമീപത്ത് കൂടി ഇരുചക്ര വാഹനത്തിൽ മത്സ്യ കച്ചവടം നടത്തുന്ന വ്യക്തിയിൽ നിന്നാണ് മീൻ വാങ്ങിയത്. ഇയാൾ തോപ്പുംപടി ഹാർബറിൽ നിന്നാണ് ഈ മീൻ എടുത്തതെന്നാണ് സൂചന.