ലോഹിതദാസ് ചിത്രമായ നിവേദ്യത്തിലൂടെ മലയാള സിനിമാ പ്രേക്ഷകർക്ക് ലഭിച്ച താരമാണ് ഭാമ. ഭാമയുടെ അഭിനയത്തിനെന്നപോലെതന്നെ സൗന്ദര്യത്തിനും ധാരാളം ആരാധകരുണ്ട്. ഇപ്പോഴിതാ തന്റെ സൗന്ദര്യ രഹസ്യം വെളിപ്പെടുത്തിയിരിക്കുകയാണ് താരം.

ഹെവി മേക്കപ്പിനോട് ഭ്രമമില്ലെന്ന് ഭാമ പറയുന്നു. ഫേഷ്യൽ പോലും ചെയ്യാറില്ല. ആകെ ചെയ്യുന്നത് ഓക്സിപീൽ മാത്രമാണ്. സൺസ്ക്രീൻ,​ മോയിസ്ചറൈസിംഗ് ക്രീം,​ ലിപ് ബാം എന്നിവ മാത്രമാണ് പതിവായി ഉപയോഗിക്കുന്നത്. ഫംഗ്ഷനോ മറ്റോ പോകുമ്പോൾ വസ്ത്രത്തിന് യോജിച്ച രീതിയിലുള്ള ലിപ്സ്റ്റിക് ഉപയോഗിക്കുമെന്നും താരം പറയുന്നു.

ഡെർമറ്റോളജിസ്റ്റ് നി‌ർദേശിച്ച ഫേസ്‌വാഷ് ഉപയോഗിച്ചാണ് മുഖം കഴുകുന്നത്. പുറത്ത് പോയി ചർമം കരിവാളിച്ചാൽ തൈരും,​കടലമാവും ചേർത്ത് മുഖത്ത് പുരട്ടും. രണ്ട് ദിവസം കൂടുമ്പോൾ മുഖത്ത് വെളിച്ചെണ്ണ തേച്ച് പിടിപ്പിച്ച് ഫേസ്‌വാഷിട്ട് കഴുകുമെന്നും താരം പറയുന്നു.

'രണ്ട് വർഷം മുമ്പ് വരെ മാംസാഹാരം കഴിക്കാറില്ലായിരുന്നു. എന്നാൽ ഇപ്പോൾ മത്സ്യം കഴിക്കും. മധുരം വലിയ രീതിയിൽ ഉപയോഗിക്കാറില്ല. തൈരാണ് തന്റെ ബ്യൂട്ടി ഡയറ്റെന്ന് താരം പറയുന്നു. എണ്ണ പലഹാരം വലിയ രീതിയിൽ കഴിക്കില്ല. രാവിലെയും രാത്രിയും സാലഡുകൾ കഴിക്കും'-ഭാമ പറഞ്ഞു.