പത്തനംതിട്ട: പ്രവാസിക്ഷേമം ലക്ഷ്യമാക്കിയുള്ള അംഗത്വ വിതരണ കാമ്പയിൻ,​ പെൻഷൻ സ്‌കീമുകളെ കുറിച്ച് പ്രവാസികളെ ബോധവത്‌കരിക്കുക എന്നീ ലക്ഷ്യങ്ങളുമായി പ്രവാസി ക്ഷേമ ബോർഡ് ജില്ലാ അടിസ്ഥാനത്തിൽ പ്രചാരണ പരിപാടികൾ സംഘടിപ്പിക്കുന്നു. സെപ്‌തംബർ 19,​ 20 തീയതികളിൽ പത്തനംതിട്ടയിൽ നടക്കുന്ന അംഗത്വ വിതരണ കാമ്പയിനും അദാലത്തിനും മുന്നോടിയായി വിവിധ പ്രവാസി സംഘടനകളുമായുള്ള കൂടിയാലോചനാ യോഗം ഇന്നലെ നടന്നു.

പത്തനംതിട്ട ജില്ല മുനിസിപ്പൽ ടൗൺ ഹാളിൽ നടന്ന യോഗത്തിൽ പ്രവാസി ക്ഷേമനിധി ബോർഡ് സി.ഇ.ഒ എം. രാധാകൃഷ്‌ണൻ,​ ഫിനാൻസ് മാനേജർ എസ്. സതീഷ് കുമാർ,​ ഡയറക്‌ടർമാരായ കെ.സി. സജീവ് തൈയ്‌ക്കാട്,​ ജോർജ് വർഗീസ് എന്നിവർ‌ സംബന്ധിച്ചു.