തിരുവനന്തപുരം: ദേശീ​യ​പാത 544-ലെ ​മണ്ണൂത്തി- വട​ക്ക​ഞ്ചേരി റീച്ചിൽ റോഡ് താറു​മാ​റായതുമൂലം മണി​ക്കൂ​റു​ക​ളോളം ഗതാ​ഗ​ത​ക്കു​രുക്ക് അനു​ഭ​വ​പ്പെ​ടുന്ന സാഹ​ച​ര്യ​ത്തിൽ അറ്റ​കു​റ്റ​പ്പണി നടത്തി റോഡ് സഞ്ചാ​ര​യോ​ഗ്യ​മാക്കു​ന്ന​തിനും ഇക്കാ​ല​യ​ളവു വരെ കുതി​രാൻ തുരങ്കം ഭാഗീ​ക​മായി ഗതാ​ഗ​ത്തിന് തുറന്നു നൽകുന്ന​തിനും നിർദ്ദേശം നൽകി​യ​തായി മന്ത്രി ജി. സുധാ​ക​രൻ അറി​യി​ച്ചു.

കഴിഞ്ഞ ഒരു​വർഷ​ക്കാ​ല​മായി മണ്ണൂ​ത്തി​-​വ​ട​ക്കാ​ഞ്ചേരി റീച്ചിലെ നിർമ്മാണ പ്രവർത്ത​ന​ങ്ങൾ സ്തംഭ​നാ​വ​സ്ഥി​ലാണ്. 2018 ഒക്‌ടോ​ബ​റിൽ തൃശൂർ കള​ക്ട​റേ​റ്റിൽ വെച്ച് പൊതു​മ​രാ​മത്ത് മന്ത്രി പങ്കെ​ടുത്ത യോഗ​ത്തിൽ മണ്ണൂ​ത്തി​-​വ​ട​ക്കാ​ഞ്ചേരി റീച്ചിലെ കുതി​രാൻ തുരങ്കം ഉൾപ്പെടെ 2019 ജനു​വരി മാസ​ത്തോടെ പൂർത്തീ​ക​രി​ക്കാൻ കഴി​യു​മെ​ന്നാണ് നാഷ​ണൽ ഹൈവേ അതോ​റിറ്റി ഓഫ് ഇന്ത്യ അധി​കൃ​തരും കരാർ കമ്പ​നിയും ഉറപ്പു നൽകി​യി​രു​ന്ന​ത്. എന്നാൽ ഈ ഉറപ്പ് പാലി​ക്കു​ന്നതിൽ വീഴ്ച വരു​ത്തി​യെന്ന് ചൂണ്ടി​ക്കാട്ടി സംസ്ഥാന സർക്കാർ നിര​വധി തവണ കത്ത് നൽകി​യെ​ങ്കിലും കരാർ കമ്പനിക്കെതിരെ യാതൊരു നട​പ​ടിയും സ്വീക​രി​ക്കാൻ നാഷ​ണൽ ഹൈവേ അതോ​റിറ്റി ഓഫ് ഇന്ത്യ അധി​കൃ​തരും കേന്ദ്ര ഉപ​രി​തല ഗതാ​ഗ​ത​വ​കുപ്പ് ഉദ്യോ​ഗ​സ്ഥരും തയ്യാ​റാ​യി​ട്ടി​ല്ലെന്നും മന്ത്രി ജി. സുധാ​ക​രൻ അറി​യി​ച്ചു.

കുതി​രാൻ തുര​ങ്ക​ത്തി​ന്റേയും മണ്ണൂ​ത്തി​-​വ​ട​ക്കാ​ഞ്ചേരി റീച്ചി​ന്റെയും പണി പൂർത്തീ​ക​രി​ക്കു​ന്ന​തിൽ വീഴ്ച വരു​ത്തിയ കരാർ കമ്പനിയെ കരി​മ്പ​ട്ടി​ക​യിൽ പെ​ടു​ത്തുന്ന​തി​ന് ചട്ട പ്രകാരം നട​പ​ടി​കൾ സ്വീക​രി​ച്ചി​ല്ലെന്നു മാത്ര​മ​ല്ല, ഈ കമ്പ​നിയെ തന്നെ കോഴി​ക്കോട് ബൈപാ​സിന്റെ നിർമ്മാണ പ്രവർത്തനം ഏൽപ്പി​ച്ച​തു​മൂലം പ്രസ്തുത പ്രവൃ​ത്തി​യും സ്തംഭനാ​വ​സ്ഥി​ലാ​ണ്. ദേശീ​യ​പാ​ത​യിലെ നിർമ്മാണ പ്രവർത്ത​ന​ങ്ങൾ നട​ത്തേ​ണ്ടത് കേന്ദ്ര ഉപ​രി​തല ഗതാ​ഗത മന്ത്രാ​ല​യവും ദേശീ​യ​പാത അതോ​റി​റ്റി​യുമാ​ണെന്നിരിക്കെ സംസ്ഥാന സർക്കാ​രി​ന് ഈ കാര്യ​ത്തി​ലുള്ള പരി​മിതി മന​സ്സി​ലാ​ക്ക​ണ​മെന്നും മന്ത്രി ജി. സുധാ​ക​രൻ അറി​യി​ച്ചു.