തിരു​വ​നന്ത​പു​രം: ജില്ലയിലെ പ്രശ​സ്ത​മായ സ്‌കൂളിൽ അദ്ധ്യാ​പി​ക​മാരെ അദ്ധ്യയന സമ​യത്ത് ഇരി​ക്കാൻ അനുവദിക്കുന്നില്ലെന്നും എട്ട് പീരിയഡ് തുടർച്ച​യായി നിറുത്തിക്കൊണ്ട് ജോലി ചെയ്യി​ക്കു​ന്ന​തായും അവധി സമ​യ​ങ്ങ​ളിൽ മെമ്മോ ഉൾപ്പെടെ നൽകി പീഡി​പ്പി​ക്കു​ന്ന​തായും കാട്ടി അദ്ധ്യാപികമാർ വനിതാ കമ്മിഷന് പരാതി നൽകി. തുടർന്ന് സ്‌കൂൾ പ്രിൻസി​പ്പ​ലിനെ കമ്മിഷൻ അദാ​ല​ത്തിൽ വിളിച്ചുവരു​ത്തി. സ്‌കൂളിൽ നേരിട്ട് അന്വേ​ഷണം നട​ത്തു​മെന്നും വനിതാ കമ്മി​ഷൻ അംഗം ഇ.​എം.​ രാധ അറി​യി​ച്ചു.
കുട്ടി​കളെ നിരീ​ക്ഷി​ക്കാ​നെന്ന പേരിൽ ക്ലാസ്റൂ​മു​ക​ളിൽ സി.സി ടി​വി​കൾ സ്ഥാപിച്ച് അദ്ധ്യാപി​ക​മാരുടെ പെരു​മാ​റ്റം നിരീ​ക്ഷിക്കുകയാണ്. ക്ലാസ് എടു​ക്കു​ന്നതിനിടെ അദ്ധ്യാപിക ഇരു​ന്നാൽ പ്രിൻസിപ്പൽ മെമ്മോ നൽകു​മെന്ന് പരാതിയിൽ പറ​യു​ന്നു. ചോദ്യം ചെയ്യുന്ന അദ്ധ്യാ​പി​കമാർക്കെ​തിരെ നട​പടി എടു​ക്കു​ന്നതും പതി​വാ​ണ്. മെഡി​ക്കൽ അവ​ധി​യിൽ പ്രവേ​ശിച്ച അദ്ധ്യാ​പി​കയ്ക്ക് പോലും മെമ്മോ നൽകി. കമ്മിഷൻ ഇത്തരം കാര്യ​ങ്ങൾ ഗൗര​വ​മാ​യാണ് കാണു​ന്ന​തെന്ന് കമ്മി​ഷൻ അംഗം ഇ.​എം.​ രാധ വ്യക്ത​മാ​ക്കി.

കാൻസർ ബാധി​ത​നായ മകന്റെ ചികി​ത്സ​യ്ക്കു ​വേണ്ടി സോഷ്യൽ മീഡിയ വഴിയും അല്ലാ​തെയും സമാ​ഹ​രിച്ച നാല് ലക്ഷ​ത്തോളം രൂപ​യു​മായി ഭർത്താവ് കട​ന്നു​ക​ളഞ്ഞ സംഭവത്തിൽ കമ്മിഷൻ സ്വമേ​ധയാ കേസെ​ടു​ത്തു. നാല് വയസുകാരനായ മകന്റെ ചികിത്സയ്ക്കായി ഭർത്താവിനൊപ്പം ആ‌ർ.സി.സിയിലെത്തിയ ആല​പ്പുഴ സ്വദേ​ശി​നി​യായ നിസയുടെ കഥ കേട്ട് കമ്മിഷൻ ഇടപെടുകയായിരുന്നു. ഇവ​രുടെ പൂർണ സംരക്ഷണവും കുട്ടി​യുടെ ചികി​ത്സയും പത്ത​നാ​പുരം ഗാന്ധിഭവൻ ഏ​റ്റെടു​ത്തു. ​അദാ​ല​ത്തിൽ 250 കേസു​കൾ പരി​ഗ​ണി​ച്ചു. 82 കേസു​കൾ തീർപ്പാ​ക്കി. പത്തെണ്ണം റിപ്പോർട്ടി​നായി അയ​യ്ക്കും. ഒരെ​ണ്ണ​ത്തിൽ കൗൺസ​ലിംഗ് നട​ത്താനും തീരു​മാ​നി​ച്ചു. ലോ ഓഫീ​സർ പി. ഗിരിജ, സർക്കിൾ ഇൻസ്‌പെ​ക്ടർ സുരേ​ഷ്‌കു​മാർ, സബ് ഇൻസ്‌പെ​ക്ടർ എൽ. രമ എന്നി​വരും അദാ​ല​ത്തിൽ പങ്കെ​ടു​ത്തു.