ബെംഗളൂരു: ചന്ദ്രയാൻ രണ്ടിന്റെ നാലാംഘട്ട ഘട്ട ചന്ദ്രഭ്രമണപഥ മാറ്റവും വിജയകരമായി പൂർത്തിയായി. വൈകിട്ട് 6:37 ഓടെയാണ് ഭ്രമണപഥ മാ​റ്റം പൂർത്തിയായത്. ചന്ദ്രനിൽ നിന്ന് 124 കിലോമീ​റ്റർ അടുത്ത ദൂരവും 164 കിലോമീ​റ്റർ അകന്ന ദൂരവുമായിട്ടുള്ള ഭ്രമണപഥത്തിലാണ് ചന്ദ്രയാൻ രണ്ട് ഇപ്പോഴുള്ളത്.

ആഗസ്​റ്റ് 20ന് ചന്ദ്രഭ്രമണപഥത്തിൽ പ്റവേശിച്ച ശേഷമുള്ള നാലാമത്തെ ഭ്രമണപഥ മാ​റ്റമാണ് ഇന്ന് വൈകിട്ട് പൂർത്തിയായത്. വൈകിട്ട് 6:18ന് ആരംഭിച്ച ഭ്രമണപഥമാ​റ്റം 1155 സെക്കന്റുകൾ (19.25 മിനുട്ട്) കൊണ്ട് പൂർത്തിയായി. സെപ്തംബർ ഒന്നിനാണ് അവസാനഘട്ടം ഭ്രമണപഥ മാ​റ്റം നടക്കുക.

സെപ്തംബർ രണ്ടിനായിരിക്കും ചാന്ദ്രയാൻ രണ്ട് ഓർബി​റ്ററും വിക്രം ലാൻഡറും വേർപെടുക. സെപ്തംബർ ഏഴിന് പുലർച്ചെ 1:30നും 2.30നും ഇടയിലായിരിക്കും ചന്ദ്രയാൻ രണ്ട് ചന്ദ്രോപരിതലത്തിൽ സോഫ്​റ്റ് ലാൻഡിംഗ് നടത്തുക. ചന്ദ്രന്റെ ദക്ഷിണ ധ്രുവത്തിലെ മാൻസിനസ് സി, സിംപ്ലിയസ് എൻ ഗർത്തങ്ങളുടെ ഇടയിലാണ് വിക്രം ലാൻഡർ ഇറക്കുന്നത്.