ഇസ്‍ലാമബാദ്: പ്രധാനമന്ത്രി നരേന്ദ്ര മോദിയെ കുറ്റം പറഞ്ഞ് പ്രസംഗിക്കുന്നതിനിടെ പാക്കിസ്ഥാൻ മന്ത്രിക്കു ഷോക്കേറ്റു. വെള്ളിയാഴ്ച ‘കശ്മീർ ഹവർ’ എന്ന പരിപാടിയിൽ പ്രസംഗിക്കുന്നതിനിടെ പാക്കിസ്ഥാൻ റെയിൽവേ മന്ത്രി ഷെയ്ഖ് റാഷിദ് അഹമ്മദിനാണു ഷോക്കടിച്ചത്. കാശ്മീർ വിഷയവുമായി ബന്ധപ്പെട്ട് ജനങ്ങൾ ഐക്യദാർഢ്യം പ്രകടിപ്പിക്കുന്ന പരിപാടി വെള്ളിയാഴ്ചയാണ് സംഘടിപ്പിച്ചത്.

പാക് മന്ത്രി ഇന്ത്യക്കെതിരെയും മോദിക്കെതിരെയും പ്രസംഗിക്കുന്നതിനിടയിൽ പെട്ടെന്ന് ഷോക്കടിക്കുകയായിരുന്നു. പ്രധാനമന്ത്രി നരേന്ദ്ര മോദിയുടെ ലക്ഷ്യങ്ങളെ നന്നായി അറിയാമെന്ന് പറഞ്ഞ് തുടങ്ങുമ്പോൾ മന്ത്രിയുടെ കൈയ്യിൽ ഷോക്കേൽക്കുകയായിരുന്നു. തുടർന്ന് പ്രസംഗം കുറച്ച് നേരം നിർത്തിയതിന് ശേഷം വീണ്ടും തുടർന്നു. ‘അത് ഷോക്കേറ്റതാണ്. കാര്യമാക്കേണ്ട. മോദിക്ക് ഈ റാലി തകർക്കാൻ സാധിക്കില്ല’.എന്നായിരുന്നു തുടർന്നുള്ള മന്ത്രിയുടെ കമന്റ്. ഇതിന്റെ വീഡിയോ സോഷ്യൽ മീഡിയയിൽ വെെറലാണ്.

മോദിയുടെ പേര് പറയുമ്പോൾ തന്നെ ഷോക്കടിച്ചു എന്ന കുറിപ്പോടെയാണ് വീഡിയോ ട്വിറ്ററിൽ വെെറലാകുകയാണ്. യു.എസ് പ്രസിഡന്റ് ഡോണൾഡ് ട്രംപ് കശ്മീർ വിഷയത്തിൽ ഇന്ത്യയേയും പാകിസ്ഥാനെയും ചതിക്കുകയാണു ചെയ്യുന്നതെന്ന് ഷെയ്ഖ് റാഷിദ് അഹമ്മദ് പറഞ്ഞിരുന്നു. മാത്രമല്ല ഒക്ടോബറിലോ, നവംബറിലോ ഇന്ത്യയും പാക്കിസ്ഥാനും തമ്മിലുള്ള യുദ്ധം നടക്കാൻ സാധ്യതയുണ്ടെന്ന വിവാദ പ്രസ്താവനയും ഷെയ്ഖ് റാഷിദ് അഹമ്മദ് നടത്തിരുന്നു. കശ്മീരിലെ ജനങ്ങളോടുള്ള ഐക്യദാർഢ്യമായി പാക്കിസ്ഥാനിൽനിന്നും ഇന്ത്യയിലേക്കുള്ള ട്രെയിനുകൾ നിർത്തിവയ്ക്കണമെന്നും മന്ത്രി ആവശ്യപ്പെട്ടു.

Pak Railway Minister faces electric shock as soon as he takes Modi’s name.. just initial signs of what’s in the store..😂 pic.twitter.com/UQCBmb3Thh

— Deepak Tekwani (@dtekwani) August 30, 2019