ധുലെ: മഹാരാഷ്ട്രയിലെ ധുലെയിൽ രാസവസ്തു നിർമ്മാണശാലയിലുണ്ടായ സ്ഫോടനത്തിൽ പത്തുപേർ മരിച്ചു. ഷിർപൂർ രാസ ഫാക്ടറിയിലാണ് സ്ഫോടനമുണ്ടായത്. അപകടത്തിൽ 22 പേർക്ക് പരിക്കേറ്റു. പരിക്കേറ്റവരെ ആശുപത്രിയിലേക്ക് മാറ്റി. മഹാരാഷ്ട്രയിലെ ഇൻഡസ്ട്രിയൽ ഡവലപ്പ്മെന്റ് കോർപ്പറേഷന്റേതാണ് ഫാകടറി.

ഫാക്ടറിയിലെ ബോയിലർ പൊട്ടിത്തെറിച്ചതാണ് അപകട കാരണം.​ ശനിയാഴ്ച രാവിലെ 9.45 ഓടെയാണ് ഇവിടെ സ്ഫോടനമുണ്ടായത്. ആ സമയത്ത് ഇവിടെ നൂറോളം പേരുണ്ടായതായി റിപ്പോർട്ടുണ്ട്. കുടുങ്ങിക്കിടക്കുന്നവർക്കായി രക്ഷാ പ്രവർത്തനം തുടരുന്നു. മരണസംഖ്യ ഇനിയും ഉയർന്നേക്കുമെന്നാണ് സൂചന.