പാലക്കാട്: റേഷൻ കാർഡ് ഉടമകൾക്കുള്ള ഈ മാസത്തെ ഭക്ഷ്യധാന്യ വിതരണത്തോടനുബന്ധിച്ച് എ.എ.വൈ വിഭാഗത്തിൽപ്പെട്ടവർക്ക് കാർഡ് ഒന്നിന് 30 കിലോ അരിയും, അഞ്ച് കിലോ ഗോതമ്പും സൗജന്യമായി ലഭിക്കും. കൂടാതെ ഒരു കിലോ പഞ്ചസാര 21 രൂപയ്ക്ക് ലഭിക്കും.
മുൻഗണന വിഭാഗത്തിലെ കാർഡിലുൾപ്പെട്ട ഓരോ അംഗത്തിനും നാലുകിലോ അരിയും ഒരുകിലോ ഗോതമ്പും കിലോയ്ക്ക് രണ്ട് രൂപ നിരക്കിൽ ലഭിക്കും. മുൻഗണനേതര സബ്‌സിഡി വിഭാഗത്തിൽപ്പെട്ട രണ്ട് രൂപ നിരക്കിലുള്ള ഭക്ഷ്യധാന്യ വിതരണ പദ്ധതിയിൽ ഉൾപ്പെട്ട ഓരോ അംഗത്തിനും രണ്ടുകിലോ അരി വീതം കിലോയ്ക്ക് നാല് രൂപാ നിരക്കിലും കൂടാതെ ഓരോ കാർഡിനും മൂന്ന് കിലോ അല്ലെങ്കിൽ രണ്ട് കിലോ ഫോർട്ടിഫൈഡ് ആട്ട ലഭ്യതയ്ക്കനുസരിച്ച് കിലോയ്ക്ക് 17 രൂപാ നിരക്കിലും ലഭിക്കും.
മുൻഗണനേതര നോൺ സബ്‌സിഡി വിഭാഗത്തിൽപ്പെട്ടവർക്ക് 10.90 രൂപാ നിരക്കിൽ കാർഡൊന്നിന് 8 കിലോ അരിയും മൂന്ന് കിലോ അല്ലെങ്കിൽ രണ്ട് കിലോ ഫോർട്ടിഫൈഡ് ആട്ട ലഭ്യതയ്ക്കനുസരിച്ച് കിലോയ്ക്ക് 17 രൂപാ നിരക്കിലും നൽകും.
വൈദ്യുതിയുള്ള റേഷൻ കാർഡുടമകൾക്ക് (ഇ) അര ലിറ്റർ മണ്ണെണ്ണയും വൈദ്യുതിയില്ലാത്തവർക്ക് (എൻ.ഇ) നാല് ലിറ്ററിന് മണ്ണെണ്ണ 36 രൂപ നിരക്കിലും ലഭിക്കും.

പൊതുവിതരണം സംബന്ധിച്ച പരാതികൾ 180042515501967 എന്ന ടോൾഫ്രീ നമ്പറിലോ, ജില്ലാ സപ്ലൈ ഓഫിസിലോ, ബന്ധപ്പെട്ട താലൂക്ക് സപ്ലൈ ഓഫീസുകളിലോ അറിയിക്കാമെന്ന് ജില്ലാ സപ്ലൈ ഓഫീസർ അറിയിച്ചു.

ഫോൺ: ആലത്തൂർ താലൂക്ക് സപ്ലൈ ഓഫീസ് 04922222325, ചിറ്റൂർ താലൂക്ക് സപ്ലൈ ഓഫീസ് 04923222329, മണ്ണാർക്കാട് താലൂക്ക് സപ്ലൈ ഓഫീസ് 04924222265, ഒറ്റപ്പാലം താലൂക്ക് സപ്ലൈ ഓഫീസ് 0466 2244397, പാലക്കാട് താലൂക്ക് സപ്ലൈ ഓഫീസ് 04912536872, പട്ടാമ്പി താലൂക്ക് സപ്ലൈ ഓഫീസ് 04662970300, പാലക്കാട് ജില്ലാ സപ്ലൈ ഓഫീസ് 04912505541.