പുല്ലാട്: ഒന്നാം ക്ലാസിലെ എല്ലാ കുട്ടി​കൾക്കും ഗണി​ത​ത്തിന്റെ അടി​സ്ഥാന ശേഷി​കൾ ഉറ​പ്പാ​ക്കുക എന്ന ലക്ഷ്യ​ത്തോടെ പൊതു​വി​ദ്യാ​ഭ്യാസ വകുപ്പ് നട​പ്പാ​ക്കുന്ന ഉല്ലാ​സ​ഗ​ണിതം പ്രവർത്തന പദ്ധ​തിക്ക് പുല്ലാട് ബി.​ആർ.​സി​യിൽ തുട​ക്ക​മായി. കോയിപ്രം ബ്ലോക്ക് പഞ്ചാ​യത്ത് അംഗം അജ​യ​കു​മാർ വെല്ലു​ഴ​ത്തിൽ ഉദ്ഘാ​ടനം ചെയ്തു. ഉപ​ജില്ലാ വിദ്യാ​ഭ്യാസ ഓഫീ​സർ അനില ബി.​ആർ അദ്ധ്യക്ഷത വഹി​ച്ചു. സബ് ജില്ല​യിലെ ഒന്നാം ക്ലാസ് വിദ്യാർത്ഥി​കൾ രണ്ട്പേർക്ക് ഒന്ന് എന്ന നില​യിൽ 141 കിറ്റു​കൾ വിത​രണം ചെയ്തു. ഒന്നാം ക്ലാസിലെ മുഴു​വൻ ഗണിത ശേഷി​കളും 34 കളി​ക​ളി​ലൂടെ മനസിലാക്കുന്ന രീതി​യി​ലാണ് പ്രവർത്ത​ന​ങ്ങൾ. പഠ​ന​ത്തിലെ പിന്നാ​ക്കാ​വസ്ഥ തിരി​ച്ച​റിഞ്ഞ് പരി​ഹ​രിച്ച് ശേഷി കൈവ​രി​ക്കാൻ ഉല്ലാസ ഗണി​ത​ത്തി​ലൂടെ സാധി​ക്കും. കഥകൾ, കവി​ത​കൾ, പാട്ടു​കൾ, ഐ.​ടി അധി​ഷ്ഠിത ക്ലാസ് റൂമുകൾ, ഗണിത കേളി​കൾ എന്നിവ ഉൾപ്പെ​ടു​ത്തി​യാണ് പ്രവർത്ത​ന​ങ്ങൾ ചിട്ട​പ്പെ​ടു​ത്തി​യി​രി​ക്കു​ന്ന​ത്. സി.​ആർ.സി കോ-​ഓർഡി​നേ​റ്റർമാ​രായ സോജി.​ലിൻസി.​കെ.​സാം, ആർ.സ്‌നേഹ​ലത പണി​ക്കർ, ജി.​എൻ.​എൽ.​പി.​എസ് അദ്ധ്യാപിക ശ്രദേവി എന്നി​വർ ക്ലാസുകൾക്ക് നേതൃത്വം നൽകി.