pandit-krishnan
പ​ണ്ഡി​റ്റ് എൻ. കൃ​ഷ്​ണ​ൻ

കൊ​ല്ലം: പ​ണ്ഡി​റ്റ് എൻ.കൃ​ഷ്​ണ​ന്റെ 66-ാം ച​ര​മ​വാർ​ഷി​കം ഇ​ന്ന് ആ​ച​രി​ക്കും. അ​ന്ത്യ​വി​ശ്ര​മ സ്ഥ​ല​മാ​യ ചാ​ത്ത​ന്നൂർ ഊ​റാം​വി​ള​യിൽ ഇ​ന്ന് രാ​വി​ലെ അ​നു​സ്​മ​ര​ണം, പു​ഷ്​പാർ​ച്ച​ന എ​ന്നി​വ ന​ട​ക്കും.

അ​വി​ഭ​ക്ത ക​മ്മ്യൂ​ണി​സ്റ്റ് പാർ​ട്ടി​യു​ടെ സ​മു​ന്ന​ത നേ​താ​വാ​യി​രു​ന്ന അ​ദ്ദേ​ഹം, അ​ഖി​ല​കേ​ര​ള പൗ​ര​സ്​ത്യ ഭാ​ഷാ​ദ്ധ്യാ​പ​ക സം​ഘ​ട​ന​യു​ടെ സ്ഥാ​പ​ക വൈ​സ് പ്ര​സി​ഡന്റു​മാ​യി​രു​ന്നു. ചാ​ത്ത​ന്നൂർ മു​ള​മൂ​ട്ടിൽ വീ​ട്ടിൽ കൊ​ച്ചു​കു​ഞ്ഞി​ന്റെ​യും പാർ​വ്വ​തി​യു​ടെ​യും മ​ക​നാ​യി 1918 ആ​ഗ​സ്റ്റിൽ ജ​നി​ച്ചു. 1938ൽ തി​രു​വി​താം​കൂർ ഗ​വൺ​മെന്റി​ന്റെ വെർ​ണാ​ക്കു​ലർ ഹ​യർ പ​രീ​ക്ഷ ഒ​ന്നാം​ക്ലാ​സോ​ടു​കൂ​ടി പാ​സാ​യി. തു​ടർ​ന്ന് ക​ല്ലു​വാ​തു​ക്കൽ യു.പി സ്​കൂ​ളിൽ അ​ദ്ധ്യാ​പ​ക​നാ​യി​രി​ക്കെ സ്വാ​ത​ന്ത്ര്യ​സ​മ​ര​ത്തിൽ സ​ജീ​വ​മാ​യി പ​ങ്കെ​ടു​ത്തു. ഭ​ര​ണ​കൂ​ടം ജോ​ലി​യിൽ നി​ന്ന് പി​രി​ച്ചു​വി​ട്ടു. 1939ൽ രാ​ജ്യ​ദ്രോ​ഹ​ക്കു​റ്റം ചു​മ​ത്തി ജ​യി​ലിൽ അ​ട​ച്ചു. ശ്രീ​ചി​ത്തി​ര​തി​രു​നാൾ മ​ഹാ​രാ​ജാ​വി​ന്റെ തി​രു​നാൾ പ്ര​മാ​ണി​ച്ച് രാ​ഷ്ട്രീ​യ ത​ട​വു​കാ​രെ മോ​ചി​പ്പി​ച്ച​പ്പോൾ ജ​യിൽ മോ​ചി​ത​നാ​യി. പി​ന്നീ​ട് പ​ര​വൂർ എ​സ്.എൻ.വി​ സ്​കൂ​ളിൽ അ​ദ്ധ്യാ​പ​ക​നാ​യി. 1944 ൽ മ​യ്യ​നാ​ട് ഹൈ​സ്​കൂ​ളിൽ ഭാ​ഷാ​ദ്ധ്യാ​പ​ക​നാ​യി. 1949 ൽ അ​ഖി​ല കേ​ര​ള പൗ​ര​സ്​ത്യ ഭാ​ഷാ​ദ്ധ്യാ​പ​ക സം​ഘ​ട​ന​യു​ടെ വൈ​സ് പ്ര​സി​ഡന്റാ​യി. 1953 ഏ​പ്രി​ലിൽ ബി.എ ഡി​ഗ്രി നേ​ടി. 1953ലെ പ​ഞ്ചാ​യ​ത്ത് തി​ര​ഞ്ഞെ​ടു​പ്പിൽ ചാ​ത്ത​ന്നൂർ പ​ഞ്ചാ​യ​ത്തിൽ ഇ​ന്ത്യൻ ക​മ്മ്യൂ​ണി​സ്റ്റ് പാർ​ട്ടി​യു​ടെ ജ​നാ​ധി​പ​ത്യ​മു​ന്ന​ണി സ്ഥാ​നാർ​ത്ഥി​യാ​യി വി​ജ​യിച്ച് പ​ഞ്ചാ​യ​ത്ത് വൈ​സ് പ്ര​സി​ഡന്റാ​യി. സാ​ഹി​ത്യ​കാ​രൻ, വാ​ഗ്മി, മാ​തൃ​കാ​ദ്ധ്യാ​പ​കൻ, സം​ഘാ​ട​കൻ, സാ​മൂ​ഹ്യ - രാ​ഷ്ട്രീ​യ പ്ര​വർ​ത്ത​കൻ എ​ന്നീ നി​ല​ക​ളിൽ ശോ​ഭി​ച്ചു.

1953 ആ​ഗ​സ്​റ്റ് 5ന് രോഗബാധിതനായി അ​ന്ത​രി​ച്ചു. പ​രേ​ത​യാ​യ കെ.എ​സ്. അ​രു​ന്ധ​തി​യാ​ണ് ഭാ​ര്യ. റി​ട്ട. വൊ​ക്കേ​ഷ​ണൽ ഹ​യർ​സെ​ക്കൻ​ഡ​റി സ്​കൂൾ പ്രിൻ​സി​പ്പൽ എ.കെ. ജ​യ​ശ്രീ ഏ​ക മ​ക​ളും കേ​ര​ള​കൗ​മു​ദി​യിൽ നി​ന്ന് വി​ര​മി​ച്ച സീ​നി​യർ സ​ബ് എ​ഡി​റ്റർ എ​സ്. രാ​ധാ​കൃ​ഷ്​ണൻ മ​രു​മ​ക​നുമാണ്.