പുനലൂർ: സ്റ്റുഡൻസ് പൊലീസ് സ്ഥാപിച്ചതിന്റെ പത്താം വാർഷികദിനാചരണത്തിന്റെ ഭാഗമായി പുനലൂർ ഗവ. ഹയർ സെക്കന്ററി സ്കൂളിൽ എസ്.പി.സി യൂണിറ്റിന്റെ ആഭിമുഖ്യത്തിൽ വിവിധ പദ്ധതികൾ നടപ്പാക്കി. സ്കൂൾ പരിസരവും റോഡും വൃത്തിയാക്കുകയും ഗ്രീൻ പ്ലാനറ്റ് പദ്ധതിയുടെ ഭാഗമായി പുനലൂർ എക്സൈസ് റേഞ്ച് ഓഫീസ്, റെയിൽവേ പൊലീസ് സ്റ്റേഷൻ, റെയിൽവേ സ്റ്റേഷൻ, ഗവ. എൽ.പി.എസ്, ഡിവൈ. എസ്.പി ഓഫീസ്, പുനലൂർ പൊലീസ് സ്റ്റേഷൻ എന്നിവിടങ്ങളിൽ വൃക്ഷത്തൈകൾ നടുകയും ചെയ്തു. നഗരസഭ ചെയർമാൻ കെ. രാജശേഖരൻ ദിനാചരണം ഉദ്ഘാടനം ചെയ്തു. ഗ്രീൻ പ്ലാനറ്റ് പദ്ധതി പുനലൂർ സി.ഐ ബിനു വർഗീസ് ഉദ്ഘാടനം ചെയ്തു. പി.ടി.എ പ്രസിഡന്റ് വി.വി. ഉല്ലാസ് രാജ് അദ്ധ്യക്ഷത വഹിച്ചു. എസ്.എം.സി ചെയർമാൻ എസ്. സജീവ്, ഹെഡ്മാസ്റ്റർ അമൃത, എസ്.ഐ രാജീവ്, എ.എസ്.ഐ ഗോപൻ, അനിൽകുമാർ, സന്ധ്യ, റഹീം, സരസ്വതി തുടങ്ങിയവർ സംസാരിച്ചു.