കൊല്ലം: ​പി.എസ്.സി നടത്തിയ പൊലീസ് പരീക്ഷയും റാങ്ക് ലിസ്റ്റും വിവാദമാകുമ്പോൾ ഒൻപതു വർഷം മുമ്പ് പൊലീസ് സേനയിലെ നിയമനത്തിൽ നടന്ന മറ്റൊരു വൻ തട്ടിപ്പ്കേസ് ഇപ്പോഴും വിചാരണ കാത്തു കിടക്കുകയാണ്. ഏ​റെ​ ​കോ​ളി​ള​ക്ക​മു​ണ്ടാ​ക്കി​യ കേസിൽ അന്വേഷണം പൂർത്തിയായെങ്കിലും സ്പെഷ്യൽ പ്രോസിക്യൂട്ടറെ നിയമിക്കാൻ പോലും നടപടി ആയിട്ടില്ല. ഒന്നാം പ്രതി ഒരുവർഷം മുമ്പ് മയ്യനാടിന് സമീപം ട്രെയിൻ തട്ടി മരിക്കുകയും ചെയ്തു.

സം​സ്ഥാ​ന​ ​പൊ​ലീ​സി​ൽ​ ​ജ​ന​റ​ൽ​ ​എ​ക്സി​ക്യൂട്ടീ​വ് ​ബ്രാ​ഞ്ചി​ൽ​ ​എ​സ്.​ഐ​ ​ത​സ്തി​ക​യു​ൾ​പ്പെ​ടെ​ അര ഡസൻ ​പ​രീ​ക്ഷ​ക​ളി​ൽ​ ​ആ​ൾ​മാ​റാ​ട്ട​വും​ ​ചോ​ദ്യ​​പേ​പ്പ​ർ​ ​ചോ​ർ​ത്ത​ലും​ ​ന​ട​ത്തി​യ​ ​കേ​സാ​ണ​ത്.​ ​തിരുവനന്തപുരം യൂ​ണി​വേ​ഴ്സി​റ്റി​ ​കോ​ളേ​ജി​ലെ​ ​ക​ത്തി​ക്കു​ത്ത് ​കേ​സി​ൽ പ്ര​തി​ക​ൾ​ ​അ​ക​ത്താ​യ​തോ​ടെ​ ​ന​ട​ത്തി​യ​ ​അ​ന്വേ​ഷ​ണ​ത്തി​ലാ​ണ് ​ഇ​പ്പോ​ഴ​ത്തെ​ ​ത​ട്ടി​പ്പ് ​പു​റ​ത്തു​വ​ന്നതെങ്കിൽ,​ ​അ​ന്ന് ​ഒ​രു​ ​ഊ​മ​ക്ക​ത്താ​ണ് ​ത​ട്ടി​പ്പി​ന്റെ​ ​ചു​രു​ള​ഴി​ച്ച​ത്.​ 2010​ൽ​ ​പി.​എ​സ്.​സി​ ​ന​ട​ത്തി​യ​ ​ലാ​സ്റ്റ് ​ഗ്രേ​ഡ് ​പ​രീ​ക്ഷ​യി​ൽ​ ​ച​വ​റ​ ​ശ​ങ്ക​ര​മം​ഗ​ലം​ ​സ്കൂ​ളി​ൽ​ ​ആ​ൾ​മാ​റാ​ട്ട​വും​ ​ക്ര​മ​ക്കേ​ടും​ ​ന​ട​ന്നതായി ​അന്നത്തെ പി.​എ​സ്.​സി ചെയർമാന് ലഭിച്ച ​ഊ​മ​ക്ക​ത്താ​ണ് ​ ​അ​ന്വേ​ഷ​ണ​ത്തി​ലേ​ക്കെത്തി​ച്ച​ത്. കൊ​ല്ലം​ ​വാ​ള​ത്തും​ഗ​ൽ​ ​സ്വ​ദേ​ശി​ ​സു​ന്ദ​ർ​ദാ​സ് ​ആ​ൾ​മാ​റാ​ട്ടം​ നടത്തി ശ​ങ്ക​ര​മം​ഗ​ലം​ ​സ്കൂ​ളി​ൽ​ ​പി.​എ​സ്.​സി​ ​പ​രീ​ക്ഷ​യി​ൽ​ ​പ​ങ്കെ​ടു​ത്തെ​ന്നാ​യി​രു​ന്നു​ ​ക​ത്ത്.​ ​കത്തിനെക്കുറിച്ച് ​വി​ശ​ദ​മാ​യി​ ​അ​ന്വേ​ഷി​ക്കാ​ൻ​ ​ഡി.ജി.പി ​അ​ന്ന​ത്തെ​ ​കൊ​ല്ലം​ ​സിറ്റി ക​മ്മി​ഷ​ണ​റാ​യി​രു​ന്ന​ ​ഹ​ർ​ഷി​ത​ ​അ​ട്ട​ല്ലൂ​രി​യെ ചുമതലപ്പെടുത്തി.​ ​കൊ​ല്ലം​ ​ഡിവൈ.എസ്.പി ആ​​യി​രു​ന്ന​ ​(​ഇ​പ്പോ​ഴ​ത്തെ​ ​ആ​ല​പ്പു​ഴ​ ​അ​ഡിഷ​ണ​ൽ​ ​എ​സ്.​പി​)​ ​ബി.​ ​കൃ​ഷ്ണ​കു​മാ​റി​ന്റെ​ ​നേ​തൃ​ത്വ​ത്തി​ൽ​ ​ന​ട​ത്തി​യ​ ​അ​ന്വേ​ഷ​ണ​ത്തി​ലാ​ണ് ​പി.എസ്.സി പരീക്ഷയിലെ വൻ ത​ട്ടി​പ്പ് ​ക​ണ്ടു​പി​ടി​ച്ച​ത്.

ഹാ​ൾ​ ​ടി​ക്ക​റ്റി​ൽ​ ​ഉദ്യാഗാർത്ഥിയുടെ ഫോ​ട്ടോ​ ​മാ​റ്റി​യൊ​ട്ടി​ച്ചാ​യി​രു​ന്നു​ ​ആ​ൾ​മാ​റാ​ട്ടം.​ ​ലാ​സ്റ്റ് ​ഗ്രേ​ഡ് ​പ​രീ​ക്ഷ​യു​ടെ​ ​ത​ട്ടി​പ്പി​നെ​ക്കു​റി​ച്ച് ​ന​ട​ന്ന​ ​അ​ന്വേ​ഷ​ണ​ത്തിൽ ​അ​ക്കാ​ല​ത്ത് ​പി.​എ​സ്.​സി​ ​ന​ട​ത്തി​യ​ ​എ​സ്.​ഐ​ ​പ​രീ​ക്ഷ,​ ​ര​ണ്ട് ​എ​ൽ.​ഡി.​സി​ ​പ​രീ​ക്ഷ​ക​ൾ,​ ​എ​ച്ച്.​എ​സ്.​എ​ ​തു​ട​ങ്ങിയ​ ​പ​രീ​ക്ഷ​ക​ളി​ൽ​ ​ക്ര​മ​ക്കേ​ട് ​നടന്നതായി കണ്ടെത്തി. എസ്.ഐ റാങ്ക്ലിസ്റ്റിൽ പ്രതികളായ 5 പേർ ഉൾപ്പെട്ടതിനെ തുടർന്ന് എസ്.ഐ പരീക്ഷ പിന്നീട് റദ്ദാക്കുകയും ചെയ്തു.

​ആ​റ്റി​ങ്ങ​ലി​ൽ​ ​വ്യ​വ​സാ​യ​ ​വ​കു​പ്പ് ​ഓ​ഫീ​സ്​ ​ജീ​വ​ന​ക്കാ​ര​നാ​യിരുന്ന​ ​കൊ​ല്ലം​ ​മയ്യനാട് സ്വ​ദേ​ശി​ ​പ്ര​കാ​ശ് ​ലാ​ലി​ന്റെ​ ​നേ​തൃ​ത്വ​ത്തി​ലു​ള്ള​ ​സം​ഘ​മാ​ണ് ​ത​ട്ടി​പ്പു​ക​ൾ​ക്ക് ​പി​ന്നി​ലെ​ന്ന് ​അ​ന്വേ​ഷ​ണ​ത്തി​ൽ​ ​തി​രി​ച്ച​റി​ഞ്ഞു.​ ​ശ​രീ​ര​ത്തിലെ ​ര​ഹ​സ്യ​ഭാ​ഗ​ങ്ങ​ളി​ൽ​ ​ഒ​ളി​പ്പി​ക്കു​ന്ന​ ​മൊ​ബൈ​ൽ​ ​ഫോ​ണു​മാ​യി​ ​പ​രീ​ക്ഷാ​ഹാ​ളി​ൽ​ ​പ്ര​വേ​ശി​ക്കു​ന്ന​ ​ഉ​ദ്യോ​ഗാ​ർ​ത്ഥി​ക​ൾ​ക്ക് ​ഫോ​ണിലൂടെ ​ഉ​ത്ത​ര​ങ്ങ​ൾ​ ​കൈ​മാ​റു​ന്ന​താ​യി​രു​ന്നു​ ​ത​ട്ടി​പ്പി​ന്റെ​ ​രീ​തി.​ ഒരു പാ​ര​ല​ൽ​ ​കോ​ളേ​ജ്​ ​കേ​ന്ദ്രീ​ക​രി​ച്ച് ​പ​രീ​ക്ഷാ​ ​ദി​വ​സ​ങ്ങ​ളി​ൽ​ ​ഉ​ത്ത​ര​ങ്ങ​ൾ​ ​ആ​വ​ശ്യ​ക്കാ​‌​ർ​ക്ക് ​ഫോ​ൺ​ ​വ​ഴി​ ​ന​ൽ​കുകയായിരുന്നു.​ ​പ​രീ​ക്ഷാ​ ​ഹാ​ളി​ൽ​ ​നി​ന്ന് ​പു​റ​ത്തേ​ക്ക് ​ചു​രു​ട്ടി​യി​ടു​ന്ന​ ​ചോ​ദ്യ​പേ​പ്പ​ർ​ ​​ ​ക​ട​ത്തി​ക്കൊ​ണ്ടു​പോ​യി​ ​ഫോ​ൺ​ ​വ​ഴി​ ​ഉത്തരം പ​റ​ഞ്ഞു​കൊ​ടു​ക്കു​ന്ന​ ​രീ​തി​യും​ ​ക​ണ്ടെ​ത്തി. ഒന്നാം പ്രതി പ്രകാശ്‌ലാലടക്കം 10 കേസുകളിലായി 39​ ​പ്ര​തി​ക​ളെ​ ​പൊ​ലീ​സ് ​അ​ന്ന് ​അ​റ​സ്റ്റ് ​ചെ​യ്തു. ​കു​റ്റ​പ​ത്രം​ ​സ​മ​ർ​പ്പി​ച്ചെ​ങ്കി​ലും​ ​കഴിഞ്ഞ യു.ഡി.എഫ് ഭരണകാലത്ത് അന്വേഷണം അട്ടിമറിക്കാൻ നീക്കം നടന്നു. 2014ൽ ഐ.ജി ആയിരുന്ന മനോജ് എബ്രഹാമിനെക്കൊണ്ട് സർക്കാർ പുനരന്വേഷണം നടത്തിയെങ്കിലും ആദ്യ അന്വേഷണം ശരിവയ്ക്കുകയായിരുന്നു. തുടർന്ന് ചില പ്രതികൾ ഹൈക്കോടതിയെ സമീപിച്ചുവെങ്കിലും കോടതിയും പരാതി തള്ളി.

പ്ര​ധാ​ന​ ​പ്ര​തി​ ​പ്ര​കാ​ശ് ​ലാ​ലി​നെ​ ട്രെ​യി​ൻ​ ​ത​ട്ടി​ ​മ​രി​ച്ച​ ​നി​ല​യി​ൽ​ ​ക​ണ്ടെ​ത്തി​യതിനു പിന്നിലും ദുരൂഹതയുണ്ടായിരുന്നെങ്കിലും ആവഴിക്ക് ഒരന്വേഷണവും നടന്നില്ല.

പി.എസ്.സി പരീക്ഷാ രീതിയിൽ മാറ്റം വരുത്തി

ഈ​ ​ത​ട്ടി​പ്പ് ​പു​റ​ത്തു​വ​ന്ന​തോ​ടെയാണ് പി.എസ്.സി പരീക്ഷാ നടത്തിപ്പിൽ സമൂല മാറ്റം വരുത്തിയത്. ​ഹാ​ൾ​ ​ടി​ക്ക​റ്റ് ​സ്വ​യം​ ​സാ​ക്ഷ്യ​പ്പെ​ടു​ത്തു​ന്ന​തും​ ​മൊ​ബൈ​ൽ​ ​ഫോ​ണി​ന് ​പ​രീ​ക്ഷാ ​ഹാ​ളി​ൽ​ ​വി​ല​ക്കേ​ർ​പ്പെ​ടു​ത്തി​യ​തു​മു​ൾ​പ്പെ​ടെ​ 11 ഇന പരിഷ്ക്കാരങ്ങളാണ് പി.​എ​സ്.​സി​ ​ന​ട​പ്പാ​ക്കി​യ​ത്. ഓൺലൈൻ രജിസ്ട്രേഷനടക്കമുള്ള നടപടികളും ഇതേതുടർന്നായിരുന്നു. എന്നാൽ തട്ടിപ്പുകൾക്ക് ഇപ്പോഴും പഴുതുകളുണ്ടെന്നാണ് പുതിയ സംഭവങ്ങൾ അടിവരയിടുന്നത്.