അഞ്ചൽ: യു.പി.എസ്.സി നടത്തിയ കംബയിൻഡ് ഡിഫൻസ് സർവീസ് പരീക്ഷയിൽ വനിതാവിഭാഗത്തിൽ കൊല്ലം അഞ്ചൽ സ്വദേശിനി ലക്ഷ്മി ആർ.കൃഷ്ണന് ഒന്നാം റാങ്ക്. അഞ്ചൽ അലയമണ്ണിൽ അഷ്ടപതിയിൽ കോർപ്പറേഷൻ ബാങ്ക് മാനേജർ രാധാകൃഷ്ണപിള്ളയുടെയും ബിന്ദുവിന്റെയും മകളാണ്. പരിശീലനത്തിന് ശേഷം ലഫ്റ്റനന്റ് പദവിയിൽ കരസേനയിൽ ചേരാം.

സിവിൽ സർവീസ് പരിശീലനത്തിനിടെയാണ് ലക്ഷ്മി ഈ നേട്ടം കൈവരിച്ചത്. സിവിൽ സർവീസിൽ താൽപ്പര്യമുള്ളതിനാൽ മിലിട്ടറിയിൽ ചേരുന്നകാര്യം തീരുമാനിച്ചിട്ടില്ല.