പുത്തൂർ: എസ്.എൻ പുരം വെട്ടിക്കുഴി പാലം അപകടാവസ്ഥയിലായത് നാട്ടുകാരെ വലയ്ക്കുന്നു. പാലത്തിന്റെയും തോടിന്റെയും ഇരുവശങ്ങളും വൻ തോതിൽ ഇടിഞ്ഞുകൊണ്ടിരിക്കുന്നതാണ് പ്രദേശവാസികളിൾ ഭീതി പടർത്തുന്നത്. ചെറിയ മഴ പെയ്താൽ പൊലും പാലത്തിൽ വെള്ളക്കെട്ട് രൂപപ്പെടും. ദിവസങ്ങൾ കഴിഞ്ഞാലും ഈ വെള്ളക്കെട്ടിന് മാറ്റമുണ്ടാകാറില്ലെന്ന് നാട്ടുകാർ പറയുന്നു. വെള്ളം ഒഴുകിപ്പോകാനുള്ള എല്ലാ മാർഗങ്ങളും മണ്ണ് മൂടി തടസപ്പെട്ട് കിടക്കുകയാണ്. പാലം തകർന്നാൽ യാത്രക്കാർ വലിയ ദുരിതം അനുഭവിക്കേണ്ടി വരുമെന്നും നിരവധി തവണ അധികൃതർക്ക് പരാതി നൽകിയിട്ടും ഫലമുണ്ടായില്ലെന്നും നാട്ടുകാർ പറയുന്നു.

പാലം സ്ഥിതി ചെയ്യുന്നത് പ്രധാന റോഡിൽ

എസ്.എൻ പുരം - കാരിക്കൽ - പുത്തൂർ ചെറുമങ്ങാട് -പഴയ ചിറ മേഖലകളെ ബന്ധിപ്പിക്കുന്ന പ്രധാന റോഡിലാണ് പാലം സ്ഥിതി ചെയ്യുന്നത്. റോഡ് തകർന്നതിനാൽ ഇവിടെ അപകടങ്ങളുണ്ടാകുന്നത് പതിവാണ്. നിരവധി കശുഅണ്ടി തൊഴിലാളികളും കർഷകത്തൊഴിലാളികളും താമസിക്കുന്ന പ്രദേശമാണിത്.