ചാത്തന്നൂർ: കനത്ത മഴയിലും ഇന്നലെ പുലർച്ചെ ഉണ്ടായ കാറ്റിലും ദേശീയപാതയിലും ചാത്തന്നൂർ പൊലീസ് ക്വർട്ടേഴ്‌സിനും മുകളിലും മരം മുറിഞ്ഞു വീണു.
പോലീസ് ക്വർട്ടേഴ്‌സിന് സമീപത്തെ ന പ്ലാവിന്റെ കൊമ്പ് തൊട്ടടുത്തുകൂടി പോകുന്ന വൈദ്യുത കമ്പിക്കും ക്വർട്ടേഴ്‌സിനും മുകളിൽ വീഴുകയായിരുന്നു.
ക്വർട്ടേഴ്‌സിൽ ആളുണ്ടായിരുന്നുവെങ്കിലും അപായം സംഭവിച്ചില്ല. കെ. എസ് ഇ ബി ഉദ്യോഗസ്ഥർ എത്തി ലൈൻ വിച്ഛേദിച്ചു. ദേശീയപാതയിൽ സ്പിന്നിങ് മില്ലിന് സമീപം നിന്ന മരമാണ് റോഡിന് കുറുകെ വീണത്.പരവൂരിൽ നിന്നും ഫയർഫോഴ്‌സ് എത്തി മരം മുറിച്ചു മാറ്റി ഒരു മണിക്കൂറോളം ഗതാഗതം മുടങ്ങി.