കൊ​ട്ടാ​ര​ക്ക​ര : ക​രി​ങ്ങ​ന്നൂർ സ്വ​ദേ​ശി മോ​ഹ​നൻ പി​ള്ള​യെ ക​മ്പി​വ​ടി കൊ​ണ്ട് ത​ലയ്​ക്ക​ടി​ച്ചു കൊ​ല​പ്പെ​ടു​ത്താൻ ശ്ര​മി​ച്ച കേ​സിൽ മ​രു​മ​ക​ൻ പിടിയിൽ. പാ​രി​പ്പ​ള്ളി കി​ഴ​ക്ക​നേ​ല സ​ന്തോ​ഷ് ഭ​വ​നിൽ സന്തോഷാണ് (38) പൂ​യ​പ്പ​ള്ളി പൊ​ലീ​സി​ന്റെ പി​ടി​യി​ലാ​യത്. ഭാ​ര്യ​വീ​ട്ടിൽ സൂ​ക്ഷി​ച്ചി​രു​ന്ന സ​ന്തോ​ഷിന്റെ ബൈ​ക്ക് ന​ന​യാ​തി​രി​ക്കാൻ ബൈ​ക്കി​നു മു​ക​ളിൽ ഇ​ട്ടി​രു​ന്ന ക​വർ ക​ത്തി​ച്ച​ത് ഭാ​ര്യാ​പി​താ​വാ​യ മോ​ഹ​നൻ പി​ള്ള​യാ​ണെ​ന്ന സംശയത്തിലാണ് ഇയാൾ ആക്രമണം നടത്തിയത്. മർ​ദ്ദി​ച്ച് അ​വ​ശ​നാ​ക്കി​യ ശേ​ഷം നി​ങ്ങ​ളു​ടെ ഭർ​ത്താ​വി​നെ ഞാൻ ക​മ്പി കൊ​ണ്ട് ത​ല​യ്ക്ക​ടി​ച്ചെ​ന്നും വേ​ണ​മെ​ങ്കിൽ ആശുപത്രിയിൽ കൊ​ണ്ട് പോ​ക​ണ​മെ​ന്നും സ​ന്തോ​ഷ് ഭാ​ര്യാ​മാ​താ​വി​നെ അ​റി​യി​ക്കു​കയായിരുന്നു. സം​ഭ​വ​ശേ​ഷം ക​ട​ന്നു ക​ള​ഞ്ഞ പ്ര​തി​യെ പാ​രി​പ്പ​ള്ളി​യിൽ നി​ന്നാ​ണ് പൂ​യ​പ്പ​ള്ളി ഇൻ​സ്‌​പെ​ക്ടർ വി​നോ​ദ് ച​ന്ദ്രൻ, എ​സ്.ഐ രാ​ജേ​ഷ് എന്നിവരടങ്ങിയ സംഘം പിടികൂടിയത്.