കൊല്ലം: മഹാകവി കുമാരനാശാന്റെ വെങ്കല പ്രതിമ സ്ഥാപിക്കാൻ കൊല്ലം ബോട്ട് ജെട്ടിക്ക് സമീപം സർക്കാർ പാട്ടവ്യവസ്ഥയിൽ അനുവദിച്ച സ്ഥലത്ത് കാവ്യ കൗമുദി സാഹിത്യ സമിതിയുടെ ആഭിമുഖ്യത്തിൽ സർവേ കല്ല് സ്ഥാപിച്ചു. കുമാരനാശാന്റെ 96-ാം ചരമവാർഷിക ദിനമായ 2020 ജനുവരി 17ന് പൂർണ്ണകായ വെങ്കല പ്രതിമ സ്ഥാപിക്കാനാണ് തീരുമാനം. സമിതിയുടെ നേതൃത്വത്തിൽ പ്രതിമ സ്ഥാപിക്കാനാണ് സ്ഥലം സർക്കാർ അനുവദിച്ചിരിക്കുന്നത്.

പാട്ടത്തുക ഒടുക്കി കാവ്യകൗമുദി നിയമാനുസൃതം ഏറ്റെടുത്ത സ്ഥലത്ത് സാഹിത്യ സമിതി ജനറൽ സെക്രട്ടറി കാഞ്ഞാവെളി ഗോപാലകൃഷ്ണൻ നായരും രക്ഷാധികാരി എം.ജി. കെ നായരും ചേർന്നാണ് സർവേകല്ല് സ്ഥാപിച്ച് പ്രവർത്തനങ്ങൾക്ക് തുടക്കം കുറിച്ചത്.

കൊ​ല്ലം ഇൻ​ലാന്റ് നാ​വി​ഗേ​ഷൻ അ​സി. എ​ക്‌​സി. എ​ൻജി​നീ​യർ ജോ​യ് ജ​നാർ​ദ്ദ​നൻ, സാഹിത്യ സമിതി വൈ​സ് പ്ര​സി​ഡന്റു​മാ​രാ​യ ബോ​ബൻ ന​ല്ലി​ല, വി​ജ​യ​ശ്രീ​ മ​ധു, ജോ​യിന്റ് സെ​ക്ര​ട്ട​റി​മാ​രാ​യ മാ​മ്പ​ള​ളി ജി. ആർ. ര​ഘു​നാ​ഥൻ, ച​വ​റ ബെ​ഞ്ച​മിൻ തു​ട​ങ്ങി​യ​വരും വി​വി​ധ രാ​ഷ്​ട്രീ​യ പാർ​ട്ടി പ്ര​തി​നി​ധി​ക​ളും സാ​ഹി​ത്യ​പ്രേ​മി​ക​ളും സന്നിഹിതരായിരുന്നു. കൊ​ല്ലം കോർ​പ്പ​റേ​ഷൻ എ​ഴു ല​ക്ഷം രൂ​പ​ ബ​ഡ്​ജ​റ്റിൽ വ​ക​യി​രു​ത്തി​യി​ട്ടു​ണ്ട്.