കി​ളി​കൊ​ല്ലൂർ: അ​യ​ത്തിൽ ബൈ​പാ​സ് ജം​ഗ്​ഷ​ന് വടക്കുവശം അയത്തിൽ ആ​റി​ന് സ​മീ​പ​ത്താ​യി കൂ​റ്റൻ പ​ര​സ്യ ബോർ​ഡ് സ്ഥാ​പി​ക്കാ​നു​ള്ള നീ​ക്കം നാ​ട്ടു​കാർ ചേർ​ന്ന് ത​ട​ഞ്ഞു. വി​വ​ര​മ​റി​ഞ്ഞെ​ത്തി​യ കി​ളി​കൊ​ല്ലൂർ പൊലീ​സും കോർ​പ്പ​റേ​ഷൻ അ​ധി​കൃ​ത​രും ചേർ​ന്ന് ബോർ​ഡ് സ്ഥാ​പി​ക്കു​ന്ന​ത് താത്കാലികമായി നിറു​ത്തി​വയ്പ്പിച്ചു.

ഇന്നലെ ഉ​ച്ച​യോ​ടെ​യാ​യി​രു​ന്നു സം​ഭ​വം. ആ​ളൊ​ഴി​ഞ്ഞ പു​ര​യി​ട​ത്തിൽ ബോർ​ഡ് സ്ഥാ​പി​ച്ചാൽ അയത്തിൽ ജംഗ്ഷന് തെ​ക്ക് ഭാഗത്ത് നി​ന്ന് വ​രു​ന്ന​വർ​ക്ക് സമീപത്തെ പ​ള്ളി കാ​ണാൻ ക​ഴി​യി​ലെ​ന്ന് നാട്ടുകാർ പറഞ്ഞു. വി​ല്ലേ​ജ് അ​ധി​കൃ​ത​രു​ടെ​യും കോർ​പ്പ​റേ​ഷൻ അ​ധി​കൃ​ത​രു​ടെ​യും അ​നു​മ​തിയി​ല്ലാ​തെ ബോർ​ഡ് സ്ഥാ​പി​ക്കാൻ അ​നു​വ​ദി​ക്കില്ലെന്ന നിലപാ​ടി​ലാ​ണ് നാ​ട്ടു​കാർ.

എന്നാൽ സ്ഥ​ലം സ്വ​കാ​ര്യ വ്യ​ക്തി​യു​ടേതാ​ണെ​ന്നും അ​വർ അ​നു​വാ​ദം ത​ന്നി​ട്ടു​ണ്ടെ​ന്നും കി​ളി​കൊ​ല്ലൂർ പൊ​ലീ​സ് സ്റ്റേ​ഷ​നിൽ ന​ട​ന്ന ചർ​ച്ച​യിൽ ബോർ​ഡ് സ്ഥാ​പി​ക്കു​ന്ന​വർ വാ​ദി​ച്ചു. അതേസമയം ഇത് പു​റ​മ്പോ​ക്കിൽ വ​രു​ന്ന സ്ഥ​ല​മാ​ണെ​ന്നാ​ണ് നാ​ട്ടു​കാ​രു​ടെ വാ​ദം. അ​നു​മ​തി സം​ബ​ന്ധി​ച്ച രേ​ഖ​കൾ ഹാ​ജ​രാ​ക്ക​ണ​മെ​ന്ന് കി​ളി​കൊ​ല്ലൂർ പൊ​ലീ​സ് പ​ര​സ്യ ബോർ​ഡ് സ്ഥാ​പി​ക്കു​ന്ന​വ​രോ​ട് ആ​വ​ശ്യ​പ്പെ​ട്ടി​ട്ടു​ണ്ട്. അ​തുവ​രെ നിർ​മ്മാ​ണ പ്ര​വർ​ത്ത​ന​ങ്ങൾ പാ​ടി​ല്ലെ​ന്നും പൊലീ​സ് നിർദ്ദേശിച്ചു.