കൊ​ട്ടി​യം: ബൈ​പാ​സ് റോ​ഡ​രി​കിൽ മാലിന്യ നിക്ഷേപം രൂക്ഷമാകുന്നു. കാ​വ​നാ​ട് ബൈ​പാ​സ് റോ​ഡിൽ പാ​ല​ത്ത​റ​യ്​ക്കും സ്വ​കാ​ര്യ മെ​ഡി​ക്കൽ കോ​ളേ​ജ് ആ​ശു​പ​ത്രി​ക്കും ഇ​ട​യി​ലാ​ണ് അറവുശാലാ മാ​ലി​ന്യമുൾപ്പെടെ ചാക്കിലും പ്ളാസ്റ്റിക് കവറുകളിലുമായി ത​ള്ളി​യിരിക്കുന്നത്. മഴക്കാലമായതോടെ മാലിന്യത്തിൽ നിന്ന് രൂക്ഷമായ ദുർഗന്ധം വമിക്കുന്നതിനാൽ മൂക്ക് പൊത്താതെ ഇതുവഴി കടന്നുപോകാൻ കഴിയാത്ത സ്ഥിതിയാണ്.

ക​ഴി​ഞ്ഞ​വർ​ഷ​വും ഇ​തു​പോ​ലെ ഇ​വി​ടെ​ മാ​ലി​ന്യം ത​ള്ളുന്നത് പതിവായതോടെ നാ​ട്ടു​കാ​ർ പ്രതിഷേധവുമായി രംഗത്തെത്തിയിരുന്നു. റോ​ഡ​രി​കിൽ കു​റ്റി​ചെ​ടി​കൾ വ​ളർ​ന്നു നിൽ​ക്കു​ന്ന ഭാ​ഗ​ത്താ​യാ​ണ് രാ​ത്രി കാ​ല​ങ്ങ​ളിൽ മാ​ലി​ന്യം കൊ​ണ്ടു​വ​ന്നു ത​ള്ളു​ന്ന​ത്. ടാ​ങ്കർ ലോ​റി​കൾ റോ​ഡ​രി​കിൽ പാർ​ക്ക് ചെ​യ്​ത ശേ​ഷം​കക്കൂസ് മാ​ലി​ന്യം റോ​ഡി​ലേ​ക്ക് തു​റ​ന്നു വി​ടു​ന്ന​തായും പരാതിയുണ്ട്.

കോർ​പ്പ​റേ​ഷൻ വ​ട​ക്കേവി​ള സോ​ണൽ ഓ​ഫീ​സി​ലെ ആ​രോ​ഗ്യ വി​ഭാ​ഗം മാലിന്യ നിക്ഷേപത്തിനെതിരെ നടപടിയെടുക്കണമെന്നും രാത്രികാലങ്ങളിൽ പ്രദേശത്ത് പൊലീ​സ് പട്രോളിംഗ് നടത്തണമെന്നും നാട്ടുകാർ ആവശ്യപ്പെടുന്നു.മാലിന്യ നിക്ഷേപം രൂക്ഷമാകുന്ന സാഹചര്യത്തിൽ പ്ര​ദേ​ശ​ത്ത് പ​കർ​ച്ച​വ്യാ​ധി​ പി​ടി​പെ​ടാ​തി​രി​ക്കാൻ അടിയന്തരമായി ഇ​വി​ടെ ബ്ലി​ച്ചിം​ഗ്​ ന​ട​ത്തണമെന്ന് കോൺ​ഗ്ര​സ് മ​ണ​ക്കാ​ട് മ​ണ്ഡ​ലം പ്ര​സി​ഡന്റ് പാ​ല​ത്ത​റ രാ​ജീ​വ് ആ​വ​ശ്യ​പ്പെ​ട്ടു.