കൊല്ലം: ജോയിന്റ് കൗൺസിൽ അംഗ സംഘടനയായ കേരള ലീഗൽ മെട്രോളജി ഡിപ്പാർട്ട്‌മെന്റ് സ്റ്റാഫ് അസോസിയേഷൻ പ്രളയ ദുരന്തബാധിതർക്കായി അവശ്യ സാധനങ്ങൾ സമാഹരിച്ചു. ശേഖരിച്ച ആയിരത്തിലധികം കിലോ അരിയും മറ്റ് സാധനങ്ങളും തിരുവനന്തപുരം പ്രസ് ക്ലബിലെ ശേഖരണ കേന്ദ്രത്തിലേക്ക് ജോയിന്റ് കൗൺസിൽ സംസ്ഥാന സെക്രട്ടറി ജയച്ചന്ദ്രൻ കല്ലിംഗൽ, കേരള ലീഗൽ മെട്രോളജി ഡിപ്പാർട്ട്‌മെന്റ് സ്റ്റാഫ് അസോസിയേഷൻ ജനറൽ സെക്രട്ടറി ജി.ആർ. രാജീവ്, എസ്. സജീവ്, എസ്.ആർ. രാഖേഷ് എന്നിവർ ചേർന്ന് കൈമാറി. അസോസിയേഷൻ നേതാക്കളായ എസ്.എസ്. ചന്ദ്രബാബു, കെ.ആർ. രതീഷ്‌കുമാർ, ജി.ഡി. ദേവരാജ്, പി. വിജയകുമാർ, ബി. അനിൽകുമാർ എന്നിവർ സാധനങ്ങൾ ശേഖരിക്കാൻ നേതൃത്വം നൽകി.