പത്തനാപുരം: എസ്.എൻ.ഡി.പി യോഗം 3623-ാം നമ്പർ പിറവന്തൂർ ശാഖയിൽ ഒരുവർഷം പ്രവർത്തനം പൂർത്തിയാക്കിയ വയൽവാരം കുടുംബയോഗത്തിന്റെ വാർഷികവും കുടുംബയോഗം ഭാരവാഹികളുടെ തിരഞ്ഞെടുപ്പും ശാഖാ സെക്രട്ടറി വി. ജയകുമാറിന്റെ വസതിയിൽ നടന്നു. വാർഷിക പൊതുയോഗം യോഗം ഡയറക്ടർ ബോർഡ് അംഗം പിറവന്തൂർ ഗോപാലകൃഷ്ണൻ ഉദ്ഘാടനം ചെയ്തു. ശാഖാ പ്രസിഡന്റ് എസ്. സുഭാഷ് അദ്ധ്യക്ഷത വഹിച്ചു. വരവ് ചെലവ് കണക്കും റിപ്പോർട്ടും കൺവീനർ സിന്ധു വസന്തൻ അവതരിപ്പിച്ചു.
യൂണിയൻ കൗൺസിലർ വി.ജെ. ഹരിലാൽ, യൂണിയൻ കൗൺസിലർ റിജു വി. ആമ്പാടി, ശാഖാ സെക്രട്ടറി വി. ജയകുമാർ, യൂത്ത്മൂവ്മെന്റ് യൂണിയൻ സെക്രട്ടറിയും സൈബർസേന ജില്ലാ ചെയർമാനുമായ ബിനു സുരേന്ദ്രൻ, വനിതാസംഘം യൂണിയൻ ട്രഷറർ മിനി പ്രസാദ്, കേന്ദ്രസമിതി അംഗം ദീപ ജയൻ, വനിതാസംഘം യൂണിയൻ കൗൺസിലർ സുജ അജയൻ, ശാഖാ വനിതാസംഘം പ്രസിഡന്റ് ഉഷ ജയകുമാർ തുടങ്ങിയവർ സംസാരിച്ചു.
കുടുംബയോഗം ചെയർമാൻ കലേശൻ സ്വാഗതവും കമ്മിറ്റി അംഗം സുചീന്ദ്ര ബാബു നന്ദിയും പറഞ്ഞു. ഭാരവാഹികളായി കലേശൻ (ചെയർമാൻ), സിന്ധു വസന്തൻ (കൺവീനർ), സുചീന്ദ്ര ബാബു, അനിൽ കുമാർ, വിനോദ്, രജിത, ലതിക(കമ്മിറ്റി അംഗങ്ങൾ) എന്നിവരെ തിരഞ്ഞെടുത്തു.