പ​ടി​ഞ്ഞാ​റേ ​ക​ല്ല​ട : പ​ടി​ഞ്ഞാ​റേ ​ക​ല്ല​ട പ​ഞ്ചാ​യ​ത്തി​ലെ കോ​ത​പു​രം വാർ​ഡിൽ കെ​ട്ടി​ട​ത്തിൽച​രു​വിൽ ക​ഴി​ഞ്ഞ ദി​വ​സം രാ​ത്രി​യിൽ പെ​യ്​ത മ​ഴ​യെ​ തു​ടർ​ന്നു​ണ്ടാ​യ മ​ണ്ണി​ടി​ച്ചി​ലിൽ ര​ണ്ട് വീ​ടു​കൾ ഭാ​ഗി​ക​മാ​യി തകർന്നു. കു​ന്നി​ന്റെ അ​ടി​വാ​ര​ത്തെ താ​മ​സ​ക്കാ​രാ​യ ന​ല്ല​ത്ത​റ വീ​ട്ടിൽ മു​ര​ളീ​ധ​ര​ന്റെ​യും കാ​ഞ്ഞി​യ്​ക്കൽ വീ​ട്ടിൽ സു​ഭാ​ഷി​ണി​യു​ടെ​യും വീ​ടു​കൾ​ക്കാ​ണ് കേ​ടു​പാ​ട് സം​ഭ​വി​ച്ച​ത്. ഇ​തി​ന്റെ പ​രി​സ​ര​ത്താ​യി അ​ഞ്ചോ​ളം കു​ടും​ബ​ങ്ങൾ വേ​റെ​യും താ​മ​സ​മു​ണ്ട്. ഈ ഭാ​ഗ​ത്ത്​ അ​പ​ക​ട​ഭീ​ഷ​ണി നി​ല​നിൽ​ക്കു​ക​യാ​ണ്. അപകടാവസ്ഥ കണക്കിലെടുത്ത് ക​ള​ക്ട​റു​ടെ നിർ​ദേ​ശ പ്ര​കാ​രം പ​ടി​ഞ്ഞാ​റേ ​ക​ല്ല​ട വി​ല്ലേ​ജ് ഓ​ഫീ​സർ ഇവരോട് മാ​റി​ത്താ​മ​സി​ക്കാൻ നോ​ട്ടീ​സ് നൽ​കി​യിരുന്നതാണ്. മു​ന്ന​റി​യി​പ്പ് അ​വ​ഗ​ണി​ച്ചതാണ് അപകടത്തിന്റെ കാരണം. കു​ന്ന​ത്തൂർ ത​ഹ​സിൽ​ദാർ ജി.കെ. പ്ര​ദീ​പ്, ഹെ​ഡ്​ക്വാ​ട്ടേ​ഴ്‌​സ് ഡെ​പ്യൂ​ട്ടി ത​ഹ​സിൽ​ദാർ കെ. മ​ധു​സൂ​ദ​നൻ, എ​ച്ച്.സി വി. ഗി​രീ​ഷ്, വി​ല്ലേ​ജ് ഓ​ഫീ​സർ ജി. ജീ​ന, പ​ഞ്ചാ​യ​ത്ത്​ പ്ര​സി​ഡന്റ്​ ജെ. ശു​ഭ, വൈ​സ് പ്ര​സി​ഡന്റ്​ കെ. സു​ധീർ, പ​ഞ്ചാ​യ​ത്ത്​ അം​ഗ​ങ്ങ​ളാ​യ എൻ. ച​ന്ദ്ര​ശേ​ഖ​രൻ, ആർ. ജോ​സ് എ​ന്നി​വർ സ്ഥ​ലം സ​ന്ദർ​ശി​ച്ച് ഇ​വ​രെ മാ​റ്റി​പ്പാർ​പ്പി​ക്കാൻ വേ​ണ്ട ന​ട​പ​ടി സ്വീ​ക​രി​ച്ചു.

മ​ണ്ണി​ടി​ച്ചി​ലി​ന് വീ​ണ്ടും സാദ്ധ്യത

കു​ന്നിൻ ചെരു​വി​ലെ വീ​ടി​നു മു​ക​ളി​ലേ​ക്ക് മ​ണ്ണ് ഇ​ടി​ഞ്ഞു വീ​ഴാ​നു​ള്ള സാ​ദ്ധ്യത വളരെ കൂടുതലാണ്. അ​ടി​യ​ന്തര​മാ​യി പാ​റ ​ഉപയോഗിച്ച് പാർ​ശ്വ ഭി​ത്തി നിർമ്മി​ക്കു​ക​യോ മ​ല മു​ക​ളിൽ നി​ന്ന് മ​ണ്ണ് നീ​ക്കം ചെ​യ്​ത് കു​ന്നി​ന്റെ ഉ​യ​രം കു​റ​യ്ക്കുകയോ ചെയ്തില്ലെങ്കിൽ ഇനിയും അപകടമുണ്ടായേക്കാം.