അ​ഞ്ചൽ: കേ​ര​ള​കൗ​മു​ദി​ അ​ഞ്ചൽ ഫെ​സ്റ്റിൽ ഇന്നലെ അ​ഞ്ചൽ സെന്റ്‌​ജോർ​ജ്ജ് സെൻ​ട്രൽ സ്​കൂ​ളി​ലെ കു​രു​ന്നു​കൾ അ​വ​ത​രി​പ്പി​ച്ച ക​ലാ​സ​ന്ധ്യ ആസ്വാദകരുടെ മനംകവർന്നു. മു​പ്പ​തോ​ളം കു​ട്ടി​കൾ അവതരിപ്പിച്ച വി​വി​ധ ക​ലാ​പ​രി​പാ​ടി​കൾ വീ​ക്ഷി​ക്കാൻ വൻ ജ​നാ​വ​ലി​എത്തിയിരുന്നു.
തി​രു​പ്പ​തി വെങ്കിടേശ്വരനെ സ്​തു​തി​ച്ചു​കൊ​ണ്ടു​ള്ള ഹൃ​ദ​യ​ഹാ​രി​യാ​യ ഭ​ര​ത​നാ​ട്യ​വു​മാ​യി എ​ത്തി​യ മൂന്നാം ക്ലാ​സു​കാ​രി വൈ​ഷ്​ണ​വി കാ​ണി​ക​ളു​ടെ ഹൃ​ദ​യം കീ​ഴ​ട​ക്കി. രാ​മാ​യ​ണ​ത്തി​ലെ ക​ഥാ​പാ​ത്ര​മാ​യ താ​ട​ക​യു​ടെ ച​രി​ത്രം നാ​ടോ​ടി നൃ​ത്തമാ​യി അ​വ​ത​രി​പ്പി​ച്ച വൈ​ഷ്​ണ​വി ഗ്രൂ​പ്പ് ഡാൻ​സി​ലും തി​ള​ങ്ങി..
സൗ​ത്ത് സോ​ൺ സ​ഹോ​ദ​യ മ​ത്സ​ര​ത്തിൽ ഒ​ന്നാം സ്ഥാ​നംനേ​ടി​യ ക​ന്യാ​കു​മാ​രി​ദേ​വീ ച​രി​തം സം​ഘ​നൃ​ത്ത​മാ​ക്കി ന​വ​മി ആർ നാ​യ​രും കൂ​ട്ട​രും സദസ്യരെ വിസ്മയിപ്പിച്ചു. വി​ദ്യാ​ഭ്യാ​സ​ത്തി​ന്റെ മ​ഹ​ത്വം കു​ഞ്ഞാ​മി​നാ​യി​ലൂ​ടെ അ​വ​ത​രി​പ്പി​ച്ചു 9 ക്ലാ​സു​കാ​രി ആ​ഭാ​ല​ക്ഷ്​മി​യും രാ​വ​ണ​പു​ത്രി​യെ വേ​ദി​യി​ലെ​ത്തി​ച്ച ഏഴാം ക്ലാ​സു​കാ​രി ന​വ​മി​യും ഏ​കാ​ഭി​ന​യ​ത്തിൽ മി​ക​വുകാ​ട്ടി.
നാ​ടോ​ടി​നൃ​ത്തം, സം​ഘ​നൃ​ത്തം. സി​നി​മാ​റ്റി​ക് ഡാൻ​സ്, ഇം​ഗ്ലീ​ഷ്, ഹി​ന്ദി ക​വി​ത, തു​ട​ങ്ങി വൈ​വി​ധ്യ​മാ​യ ക​ലാ​പ​രി​പാ​ടി​കൾ ആ​സ്വ​ദി​ക്കാൻ നൂ​റു​ക്ക​ണ​ക്കി​നാ​ളു​ക​ളാ​ണ് ത​ടി​ച്ചു​കൂ​ടി​യ​ത്. പ്ര​തി​ഭ​കൾ​ക്ക് കേ​ര​ള​കൗ​മു​ദി​യു​ടെ ഉ​പ​ഹാ​ര​വും മെ​ഡ​ലു​ക​ളും നൽ​കി.
പ്രിൻ​സി​പ്പൽ ലീ​ന അ​ല​ക്‌​സ്,അ​ധ്യാ​പ​ക​രാ​യ വ​ത്സ​ല, ആ​ശ, ആ​നി,മൃ​ദു​ല,രാ​ജീ​വ് തു​ട​ങ്ങി​യ​വർ നേ​തൃ​ത്വം നൽ​കി.